Дар «Помиринвест-2026» иқтидори истеҳсолию саноатии Бадахшон муаррифӣ гардид
ДУШАНБЕ, 24.07.2026 /АМИТ «Ховар»/. Имрӯз дар шаҳри Хоруғ-маркази маъмурии Вилояти Мухтори Кӯҳистони Бадахшон Форуми байналмилалии «Помир-инвест-2026» оғоз гардид, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон.
Форуми байналмилалии «Помиринвест-2026» ҳамасола бо ибтикори Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Мақомоти иҷроияи ҳокимияти давлатии Вилояти Мухтори Кӯҳистони Бадахшон гузаронида мешавад.
Зимни ифтитоҳ гуфта шуд, ки Форуми байналмилалии «Помиринвест–2026» яке аз муҳимтарин майдонҳои муаррифии имконоти сармоягузории Вилояти Мухтори Кӯҳистони Бадахшон мебошад. Ҳадафи асосии форум ҷалби сармояи дохиливу хориҷӣ, тавсеаи ҳамкории байналмилалӣ ва муаррифии иқтидори иқтисодии вилоят дар бахшҳои сайёҳӣ, энергетика, кишоварзӣ, саноат ва инфрасохтор аст. Ин ҳамоиш барои пешниҳоди лоиҳаҳои нав, таъсиси ҷойи кор ва рушди устувори иқтисоди минтақа заминаи мусоид фароҳам меорад.
Таъкид гардид, ки бо дастгирии Ҳукумати Ҷумҳурии Тоҷикистон ва иштироки шарикони рушд «Помиринвест–2026» метавонад дар пешрафти иҷтимоию иқтисодии Вилояти Мухтори Кӯҳистони Бадахшон саҳми назаррас гузорад.
Иштирокдорон ва меҳмонони Форуми байналмилалии «Помиринвест-2026» ҳамзамон бо иқтидори истеҳсолию саноатӣ, маҳсулоти корхонаҳои саноатӣ, ҳунарҳои мардумӣ, ки ба намоиш гузошта шуда буданд, шинос шуданд. Ба меҳмонон ва иштирокдорон доир ба имконоти сармоягузорӣ, рушди саноат, коркарди ашёи хоми маҳаллӣ ва афзоиши иқтидори содиротӣ маълумоти муфассал пешниҳод карда шуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
