Дар Рӯзи фарҳанги ноҳияи Вахш дастовардҳои давоми соҳибистиқлолӣ муаррифӣ гардид
ДУШАНБЕ, 04.07.2026 /АМИТ «Ховар»/. Имрӯз дар Боғи фарҳангию фароғатии ба номи Абулқосим Фирдавсӣ Рӯзи фарҳанги ноҳияи Вахш доир шуд, ки дар он дастовардҳои давоми соҳибистиқлолӣ муаррифӣ гардид, иттилоъ медиҳад АМИТ «Ховар».
Дар ин рӯз аз ҷониби масъулони ноҳия намоиши ҳунарҳои мардумӣ, навъҳои гуногуни хӯроки миллӣ, маҳсулоти нонӣ, кишоварзӣ ва барномаи ҷолиби консертӣ пешниҳоди сокинону меҳмонони пойтахт гардонида шуд.
Гӯшаву канори боғ бо маҳорати баланди зебоисозӣ бо маҳсули эҷоди ҳунармандону маҳсулоти кишоварзӣ таҳия гардида, фазои идонаи чорабинӣ далели таъмини ваҳдати комил ва рушди устувору бонизоми мамлакатро инъикос менамуд. Инчунин суруду таронаҳои ватандӯстона хотири иштирокдоронро боз ҳам болида гардонид.
Иттилоъ дода шуд, ки ноҳияи Вахш яке аз ноҳияҳои калонтарини вилояти Хатлон буда, минтақаи муҳими аграрӣ ба шумор рафта, дар таъмини амнияти озуқавории мамлакат саҳм мегузорад.
Кишоварзони ноҳия ҳамасола ҳаҷми истеҳсоли маҳсулоти кишоварзиро афзун гардонида, бо содирот намудани молу маҳсулот ба хориҷи мамлакат дар рушди устувори иқтисодиёт нақши муҳим доранд.
Ноҳия аз 8 ҷамоати шаҳраку деҳот иборат буда, беш аз 213 ҳазор нафар аҳолӣ дорад. Инчунин дар ноҳия 5 хонаи фарҳанг, 5 клуби деҳот ва 18 китобхона амал мекунад, ки дар тақвият додани маърифати сокинон мусоидат мекунад.
Дар ҳудуди ноҳия ёдгориҳои таърихии Аҷинатеппа, Чоргултеппа, теппаи Ҳазрати Баракат, Қизлартеппа ва ғайра мавҷуданд, ки сайёҳони дохилию хориҷӣ аз ин мавзеъҳо дидан намуда, бо таърихи қадима ва пурғановати ноҳия шинос мешаванд.
АКС: АМИТ «Ховар»
Сафири Тоҷикистон бо донишҷӯён ва омӯзгорони Донишгоҳи давлатии Ош мулоқот намуд
Дар Коллеҷи омори шаҳри Ваҳдат оид ба рушд ва такмили низоми омори миллӣ дар замони соҳибистиқлолӣ конференсияи ҷумҳуриявӣ доир шуд
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар Осорхонаи миллии Тоҷикистон маҳфили «Шоҳномахонӣ» баргузор гардид
Дар ноҳияи Спитамен иншооти таъйиноти гуногун мавриди истифода қарор дода шуданд
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
