Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
ДУШАНБЕ, 24.07.2026 /АМИТ «Ховар»/. Донишгоҳи давлатии Бохтар ба номи Носири Хусрав барои тавсеаи ҳамкории байналмилалӣ ва ворид намудани таҷрибаи пешрафтаи ҷаҳонӣ ба низоми таҳсил бо зиёда аз 50 муассисаи таҳсилоти олии касбӣ, марказҳои илмӣ-таҳқиқотӣ ва созмонҳои байналмилалии кишварҳои хориҷӣ ҳамкорӣ менамояд. Дар ин хусус 23 июл зимни нишасти матбуотӣ муовини якуми ректори Донишгоҳи давлатии Бохтар Хурсанд Ҳамдамзода иттилоъ дод.
Иброз гардид, ки дар шаш моҳи аввали соли 2026 роҳбарияти донишгоҳ бо муассисаҳои таҳсилоти олии касбии якчанд давлати хориҷӣ 11 созишнома ва ёддошти тафоҳуми ҳамкорӣ ба имзо расонид. Ин санадҳо барои ташкили барномаҳои муштараки таълимӣ, густариши таҳқиқоти илмӣ, табодули академии омӯзгорону донишҷӯён ва татбиқи лоиҳаҳои нави байналмилалӣ заминаи мусоид фароҳам меоранд.
Бо мақсади баланд бардоштани маҳорати касбии омӯзгорон ва омӯзиши таҷрибаи пешрафтаи ҷаҳонӣ 10 омӯзгори донишгоҳ дар доираи барномаҳои табодули академӣ ва созишномаҳои ҳамкорӣ ба муассисаҳои таҳсилоти олии кишварҳои хориҷӣ ҷалб гардиданд.
Дар донишгоҳ барои омӯзиши забонҳои хориҷӣ низ имконоти мусоид фароҳам оварда шудааст. Дар доираи ҳамкории байналмилалӣ марказҳои омӯзиши забонҳои русӣ, англисӣ ва кореягӣ фаъолият дошта, онҳо дар баланд бардоштани сатҳи забондонии донишҷӯён ва омода намудани онҳо ба бозори байналмилалии меҳнат саҳм мегузоранд.
АКС: Донишгоҳи давлатии Бохтар ба номи Носири Хусрав
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
