Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
ДУШАНБЕ, 11.07.2026 /АМИТ «Ховар»/. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 9 июл зимни суханронӣ дар мулоқот бо роҳбарону фаъолони вилояти Суғд ва кормандони соҳаи саноати кишвар дар ноҳияи Бобоҷон Ғафуров таъкид намуданд, ки имрӯз Тоҷикистон шоҳиди оғози марҳалаи муҳим дар рушди саноати мамлакат мебошад..
Ба таъкиди Пешвои миллат, бунёди «Комбинати металлургии Тоҷик» барои истифодаи самараноки сарватҳои зеризаминӣ, истеҳсоли маҳсулоти дорои арзиши баланди иловашуда, таъсиси ҳазорон ҷойи нави кор ва таҳкими иқтидори иқтисодии мамлакат аҳаммияти стратегӣ дорад.
Сарвари давлат изҳор намуданд, ки ин иқдом барои афзоиши содироти маҳсулоти саноатии ватанӣ ва таҳкими рақобатнокии иқтисоди миллӣ заминаи устувор мегузорад.
Президенти мамлакат таъкид намуданд, ки ҳамаи ин дастовардҳо самараи сулҳу суботи комил, ваҳдати миллӣ ва истиқлолу озодии Тоҷикистон мебошанд.
Тазаккур дода шуд, ки дар арафаи таҷлили 35-солагии Истиқлоли давлатии Ҷумҳурии Тоҷикистон бунёди чунин иншооти бузурги саноатӣ рамзи иқтидори рӯзафзуни иқтисодии кишвар ва натиҷаи сиёсати созандаи давлат мебошад.
Пешвои миллат изҳори боварӣ намуданд, ки мардуми шарафманди Тоҷикистон, аз ҷумла сокинони вилояти Суғд, муҳандисону сохтмончиён, мутахассисон, соҳибкорон ва кормандони соҳаи саноат минбаъд низ дар татбиқи ҳадафҳои стратегии давлат саҳми арзишманд мегузоранд.
АКС: АМИТ «Ховар»
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
Вазирони оби кишварҳои Осиёи Марказӣ масъалаҳои идоракунии захираҳои обиро баррасӣ намуданд
Хадамоти алоқа: «Аз харидорӣ, насб ва истифодаи худсаронаи репитерҳои ғайристандартӣ ва бе танзими касбӣ худдорӣ намоед»
Байни Душанбе ва Минск парвозҳои мустақими ҳавоӣ оғоз мегарданд
Тоҷикистон лоиҳаи «Харитаи роҳ»-ро оид ба татбиқи Стратегияи рақамикунонии долонҳои асосии нақлиётии мултимодалии ИДМ муаррифӣ намуд
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
