Эмомалӣ Раҳмон: «Дар Тоҷикистон нахустин маҷмааи мукаммали металлургияи сиёҳ бунёд мегардад»
ДУШАНБЕ, 11.07.2026 /АМИТ «Ховар»/. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 9 июл зимни суханронӣ дар мулоқот бо роҳбарону фаъолони вилояти Суғд ва кормандони соҳаи саноати кишвар дар ноҳияи Бобоҷон Ғафуров иттилоъ доданд, ки дар солҳои 2025–2029 аз ҷониби Ҷамъияти саҳомии «Комбинати металлургии Тоҷик» ҳафт корхонаи саноатӣ ҳамчун низоми ягона бунёд гардиданд, ки нахустин маҷмааи мукаммали металлургияи сиёҳи ватаниро ташкил медиҳанд.
Тавре Сарвари давлат таъкид намуданд, дар марҳалаи якуми лоиҳа истеҳсоли консентрати оҳан ва ғелаки оҳан ба роҳ монда мешавад.
Ба андешаи Пешвои миллат, бо оғози фаъолияти марҳалаи дуюм истеҳсоли оҳани аввалия ё тозашуда, хӯлаи оҳанӣ ва арматура оғоз гардида, дар Тоҷикистон бори аввал занҷираи пурраи истеҳсолоти металлургияи сиёҳ — аз истихроҷи маъдан то истеҳсоли маҳсулоти ниҳоӣ ташаккул меёбад.
Президенти мамлакат изҳор доштанд, ки ба масъулони корхона супориш дода шудааст, то дар доираи имконияти мавҷуда корҳои сохтмони марҳалаи дуюмро аз ҳамин рӯз оғоз намоянд.
Таъкид гардид, ки дар ин ҳолат имконияти як сол пештар ноил шудан ба ҳадафҳои гузошта ва ба роҳ мондани истеҳсоли арматура барои таъмини бозори дохилии мамлакат бо ин намуди маҳсулот фароҳам мегардад.
Пешвои миллат аз пешрафти корҳои сохтмонӣ дар муҳлати кӯтоҳ изҳори қаноатмандӣ намуда, боварӣ баён карданд, ки масъулон аз иҷрои вазифаҳо сарбаландона баромада, моҳи сентябри соли 2028 корхона аввалин маҳсулоти тайёрро пешкаши сокинони мамлакат мегардонад.
АКС: АМИТ «Ховар»
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
