Эмомалӣ Раҳмон: «Рушди металлургияи сиёҳ сармоягузорӣ ба ояндаи Тоҷикистон аст»
ДУШАНБЕ, 11.07.2026 /АМИТ «Ховар»/. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 9 июл зимни суханронӣ дар мулоқот бо роҳбарону фаъолони вилояти Суғд ва кормандони соҳаи саноати кишвар дар ноҳияи Бобоҷон Ғафуров изҳор намуданд, ки ширкатҳои бузурги саноатӣ на танҳо корхонаҳои истеҳсолӣ бунёд мекунанд, балки дар ҳалли масъалаҳои иҷтимоии аҳолӣ низ саҳми назаррас мегузоранд.
Пешвои миллат тазаккур доданд, ки чунин ширкатҳо дар сохтмони муассисаҳои томактабӣ ва таҳсилоти миёнаи умумӣ, муассисаҳои фарҳангӣ, марказҳои тиббӣ, иншооти варзишӣ, инчунин таҷдиду рушди роҳҳо ва дигар инфрасохтори иҷтимоӣ фаъолона иштирок менамоянд.
Сарвари давлат ҳамчунин ба масъалаҳои ҳифзи муҳити зист таваҷҷуҳ зоҳир намуда, таъкид карданд, ки дар фаъолияти корхонаҳои муосири металлургӣ истифодаи технологияҳои каммасраф ва аз ҷиҳати экологӣ бехатар аҳаммияти махсус дорад.
Таъкид гардид, ки низоми истеҳсолот такроран истифода намудани об, коҳиш додани ихроҷи газҳои ифлоскунанда ба ҳаво ва кам кардани партови гази карбонро дар бар мегирад.
Президенти мамлакат иттилоъ доданд, ки дар доираи лоиҳа маркази барқдиҳӣ бо иқтидори 90 мегаватт сохта мешавад, ки гармии ҳангоми истеҳсолот ҳосилшавандаро ба тавлиди неруи барқ равона намуда, аз ихроҷи он ба атмосфера пешгирӣ мекунад.
Пешвои миллат таъкид намуданд, ки рушди соҳаи металлургияи сиёҳ сармоягузорӣ ба ояндаи Тоҷикистон буда, барои таҳкими иқтидори иқтисодӣ ва саноатии ҷумҳурӣ аҳаммияти стратегӣ дорад.
АКС: АМИТ «Ховар»
Дар Душанбе Фестивали занбӯрпарварон, намоиш ва фурӯши асал баргузор шуд
Дар Тоҷикистон беш аз 800 ҳазор тонна картошка ҷамъоварӣ гардидааст
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Дар вилояти Суғд 109 корхонаи нави саноатӣ таъсис гардид
Мутахассисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
