Фурудгоҳи байналмилалии Душанбе ба 1,1 миллион мусофир хизмат расонидааст
ДУШАНБЕ, 11.07.2026 /АМИТ «Ховар»/. Ҷамъияти саҳомии кушодаи «Фурудгоҳи байналмилалии Душанбе» дар нимсолаи якуми соли 2026 ба зиёда аз 1,1 миллион мусофир хизмат расонид, ки аз ин шумора 579 ҳазору 39 нафарро мусофирони омада ва 591 ҳазору 698 нафарро мусофирони рафта ташкил медиҳанд. Ин омор нисбат ба ҳамин давраи соли 2025 132 ҳазору 227 мусофир ё 13 фоиз зиёд мебошад.
Тавре дар нишасти матбуотии Агентии авиатсияи гражданӣ ва сохторҳои авиатсионии мамлакат иттилоъ дода шуд, дар ин давра тавассути терминали боркашонии Ҷамъияти саҳомии кушодаи «Фурудгоҳи байналмилалии Душанбе» дар нимсолаи якуми соли 2026 1 ҳазору 365 тонна бор ва почта қабул ва интиқол дода шудааст. Ин омор 207 тонна бори содиротӣ ва 1 ҳазору 158 тонна бори воридотиро ташкил медиҳад, ки нисбат ба ҳамин давраи соли 2025 373 тонна ё 38 фоиз зиёд мебошад.
Дар нишасти матбуотӣ гуфта шуд, ки парвозҳо дар Фурудгоҳи байналмилалии Душанбе аз ҷониби 18 ширкати ҳавопаймоӣ, аз ҷумла «Флай Дубай»-и Амороти Муттаҳидаи Арабӣ, «Туркиш Эйрлайнз»-и Туркия, «Чайна Саузерн Эйрлайнз», «Лонг Эйр»-и Чин, «Вориш Эйрлайнз», «Раймон Эйр», «Киш Эйр»-и Эрон, «Ҷазира Эйрвейз»-и Кувайт ва «АЗАЛ»-и Озарбойҷон, «Ют Эйр», « Уральские авиалинии», «Северный ветер», «Сибирь-S7»-и Федератсияи Русия, «Эйр Астана»-и Қазоқистон, «Узбекистан Эйрвейс» ва «Сентрум Эйр»-и Узбекистон ва 2 ширкати ҳавопаймоии ватанӣ –«Сомон Эйр» ва «Тоҷик Эйр» анҷом дода мешаванд.
Дар ин давра шумораи умумии хатсайрҳои хизматрасонида 4 ҳазору 475 ададро ташкил дод. Аз ин шумора 4 ҳазору 161 ададро хатсайрҳои мунтазам ва 314 ададро хатсайрҳои чартерӣ ташкил додаанд, ки нисбат ба ҳамин давраи соли 2026 160 адад ё 3,7 фоиз зиёд мебошад.
Марзия САИДЗОДА,
АМИТ «Ховар»
АКС: АМИТ «Ховар»
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
