Имрӯз дар шаҳри Душанбе Рӯзи фарҳанги ноҳияи Восеъ баргузор шуд
ДУШАНБЕ, 04.07.2026 /АМИТ «Ховар»/. Имрӯз бахшида ба 35-солагии Истиқлоли давлатӣ дар пойтахти мамлакат — шаҳри Душанбе Рӯзи фарҳанги ноҳияи Восеъ баргузор гардид, иттилоъ медиҳад АМИТ «Ховар».
Дар макони баргузории чорабинии фарҳангӣ — Муассисаи давлатии «Боғи Ирам» меҳмонон ва сокинони пойтахт намоиши дастовардҳои иҷтимоиву иқтисодӣ, фарҳангӣ ва ҳунарҳои мардумии ноҳияи Восеъро тамошо намуданд.
Деҳқонони ноҳия барои сокинону меҳмонони пойтахт намоиш-фурӯши маҳсулоти кишоварзиро омода сохтанд. Сокинон аз ин намоишгоҳ сабзавоти тару тоза, мева ва полезиҳоро бо нархҳои нисбат ба бозор арзон дастрас намуданд.
Ҳунармандон ва аҳли фарҳанги ноҳия бо пешниҳоди суруду таронаҳои ватандӯстона, рақсу оҳангҳои миллӣ ва саҳнаҳои ҷолиби фарҳангӣ фазои идона ва хотирмонро фароҳам оварданд.
Бояд гуфт, ки бахшида ба 35-солагии Истиқлоли давлатӣ дар ноҳияи Восеъ зиёда аз 400 иншооти ҷашнӣ ба нақша гирифта шудааст.
Дар ҳудуди ноҳия то имрӯз зиёда аз 30 корхонаи саноатӣ ба истифода дода шудааст, аз ҷумла айни замон корхонаҳои мевахушккунӣ, қаннодию нонӣ бо фароҳам омадани ҷойи кору маоши муносиб фаъолият доранд.
Иншооти ба нақшагирифташуда асосан ба самтҳои маориф, тандурустӣ, саноат, варзиш, сайёҳӣ, хизматрасониву савдо ва дигар соҳаҳои ҳаётан муҳим рост меояд.
Сохтмони нахустин бинои истиқоматии баландошёна дар маркази ноҳия бо сарпарастии Ҷамъияит дорои масъулияти маҳдуди «Баракат» бо маром идома дошта, дар назар аст дар арафаи 35-солагии ҷашни Истиқлоли давлатӣ ба истифода дода шавад.
Ёдовар мешавем, ки ноҳияи Восеъ бо таъриху фарҳанги бой ва мавзеъҳои ҷолибу диданӣ барои рушди намудҳои гуногуни сайёҳӣ имконияти васеъ дорад. Мавҷуд будани беш аз 50 ёдгории таърихиву меъморӣ, аз ҷумла маҷмааи таърихии Ҳулбук, шаҳракҳои қадимаи Сурхоб, Арал, Афғондилӣ, Учқун, Дарнайчӣ, Пушёни Поён, Гултеппа, Манзаратеппа, Кафтархона, Ғелот, Қалъаҷой, Ҳазорчашма, қалъаҳои Ҳулбуку Қайнар, кушки асримиёнагии Қурбоншаҳид, мақбараҳову қасрҳои куҳан ва амсоли инҳо, далели ин гуфтаҳоянд.
АКС: АМИТ «Ховар»
Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
Дар даврони соҳибистиқлолии Тоҷикистон боғу токзори нав 2,3 баробар зиёд гардид
Тоҷикистон бо қабули қонунҳои миллӣ барои давлатҳои Осиёи Марказӣ намуна мебошад
НАҚШИ ИСТИҚЛОЛИ ДАВЛАТӢ ДАР ТАҲКИМИ ҲОКИМИЯТИ СУДӢ. Андешаҳо дар ин маврид
Кормандони соҳаи фарҳанг бо мукофотҳои давлатӣ сарфароз гардиданд
Кормандони соҳаи алоқа бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Дар Вазорати корҳои хориҷӣ бахшида ба 35-солагии Истиқлоли давлатӣ чорабинии тантанавӣ баргузор гардид
Кормандони соҳаи телевизион ва радио бо мукофотҳои давлатӣ сарфароз гардонида шуданд
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
