Имсол теъдоди муассисаҳои фарматсевтӣ ва дорухонаҳо нисбат ба ҳамин давраи соли гузашта 61 адад зиёд гардидааст
ДУШАНБЕ, 09.07.2026. /АМИТ «Ховар»/. Дар ҷумҳурӣ ҳамагӣ 3500 муассисаи фарматсевтӣ ва дорухонаҳо фаъолият менамояд, ки нисбат ба ҳамин давраи соли гузашта 61 адад зиёд мебошад. Дар ин хусус 8 июл зимни нишасти матбуотии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ дода шуд.
«Дар шаҳри Душанбе 804 муассисаҳои фармасевтӣ, дар ноҳияҳои тобеи ҷумҳурӣ 545, дар минтақаи Бохтари вилояти Хатлон 703, дар минтақаи Кӯлоби вилояти Хатлон 386, дар вилояти Суғд 991 ва дар Вилояти Мухтори Кӯҳистони Бадахшон 71 муассисаҳои фармасевтӣ фаъолият доранд», — изҳор гардид дар нишаст.
Ҳамчунин иттилоъ дода шуд, ки ҳаҷми истеҳсоли дору ва молҳои тиббии дар ҷумҳурӣ истеҳсолшаванда дар ин давра зиёда аз 55,5 миллион ададро ташкил додааст, ки нисбат ба ҳамин давраи соли гузашта 2,5 миллион адад зиёд мебошад.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ 23 декабри соли 2022 дастуру супориш доданд, ки «бо мақсади рушди минбаъдаи саноати дорусозӣ корхонаҳои муосири истеҳсоли доруворӣ, коркарди васеи гиёҳҳои шифобахш ва аз лиҳози экологӣ тозаи ватанӣ ва боз ҳам зиёд намудани ҳаҷми истеҳсоли маҳсулоти доруворӣ ба роҳ монда шавад».
Бо мақсади иҷрои ин супориш аз ҷониби масъулин лоиҳаи «Барномаи давлатии рушди саноати дорусозӣ барои солҳои 2026-2030» таҳия ва аз ҷониби Ҳукумати Ҷумҳурии Тоҷикистон қабул гардид.
Мақсад аз қабули ин Барнома фароҳам овардани заминаи мусоид барои фаъолияти илмию таҳқиқотӣ, истеҳсоли доруворӣ, рушди устувори саноати дорусозӣ дар асоси технологияҳои муосир, зиёд намудани маҳсулоти ивазкунандаи воридот, таъмини аҳолӣ ва соҳаи тандурустӣ бо дору ва молҳои тиббии ватанӣ, ба роҳ мондани парвариш, ҷамъоварӣ ва коркарди рустаниҳои шифобахш, инчунин ҷалби сармояи хориҷӣ барои рушди соҳа мебошад.
Пешвои миллат таъкид доштанд, ки барои истеҳсоли доруворӣ дар дохили мамлакат ва дастгирии соҳибкорони тавлидгари ин маҳсулот аз имконоти мавҷуда бояд васеъ истифода намуд.
АКС: АМИТ «Ховар»
Дар Душанбе Донишгоҳи байналмилалии минтақавии тандурустӣ таъсис дода мешавад
ҲИЗБИ ХАЛҚИИ ДЕМОКРАТИИ ТОҶИКИСТОН — ҲАМҚАДАМИ ИСТИҚЛОЛ. Бо чунин унвон дар ноҳияи Фирдавсӣ барномаи фарҳангӣ доир шуд
Ба ноҳияҳои Тоҷикистон 18 нақлиёти ёрии таъҷилӣ тақдим гардид
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
