Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ДУШАНБЕ, 06.07.2026 /АМИТ «Ховар»/. Дар шаҳри Душанбе бо иштироки ҳайатҳои васеи Тоҷикистону Корея ҳамоиш доир гардид, ки дар он лоиҳаи пеш аз асосноккунии техникӣ-иқтисодии сохтмони метро дар пойтахт ҷамъбаст карда шуд. Дар ин хусус АМИТ «Ховар» бо истинод ба Вазорати нақлиёти Тоҷикистон иттилоъ медиҳад.
Дар ҳамоиш ҳисоботи лоиҳаи пеш аз асосноккунии техникӣ-иқтисодии сохтмони метро дар шаҳри Душанбе (аз хиёбони Саъди Шерозӣ (Сирки давлатӣ) то Дарвозаи шарқии пойтахт), ки аз ҷониби корпоратсияи «Роҳи оҳани Корея», ширкатҳои «Cheil Engineering», «DMEC Engineering» ва Донишгоҳи Сеули Корея амалӣ шудааст, пешниҳод ва баррасӣ гардид.
Соли 2024 марҳилаи пеш аз асосноккунии техникӣ-иқтисодии сохтмони метро дар шаҳри Душанбе, қисмати аз Дарвозаи ҷанубии пойтахт то хиёбони Саъди Шерозӣ (Сирки давлатӣ) аз ҷониби ширкати «Роҳи оҳани миллии Корея» амалӣ гардида буд.
Ҷонибҳо тасмим гирифта буданд, ки марҳилаи асоснокунии техникии иқтисодӣ ва лоиҳакашии ин қисматро солҳои 2026-2028 анҷом диҳанд. Аммо, бо назардошти зиёд будани шумораи гардиши мусофирон дар масири хиёбони Саъдии Шерозӣ — Дарвозаи шарқии пойтахт, талаботи барзиёд ба нақлиёти ҷамъиятӣ, зиёд будани ҳолатҳои тамбашавӣ ва зичии ҳаракат дар ин роҳ назар ба масири қаблӣ (аз Дарвозаи ҷанубии пойтахт то Сирки давлатӣ) ҷонибҳо қарор доданд, ки корҳои лоиҳакашии пешакӣ ва омӯзиширо ба ин масир равона намоянд.
Бояд тазаккур дод, ки моҳи ноябри соли 2025 зимни сафари намояндагони ширкатҳои номбаршуда ба Тоҷикистон ва имзои Ёддошти тафоҳуми сеҷониба байни Вазорати нақлиёти Ҷумҳурии Тоҷикистон, Бонки содирот ва воридоти Корея ва Консортсиуми Донишгоҳи Сеул аз ҷониби корпоратсияи «Роҳи оҳани Корея», ширкатҳои «Cheil Engineering», «DMEC Engineering» ва Донишгоҳи Сеули Корея корҳои омӯзишӣ дар лоиҳа оғоз гардид.
Дар ин муддат, мутахассисони Тоҷикистону Корея тамоми ҷанбаҳои техникию иқтисодии лоиҳаро мавриди омӯзиш қарор дода, имконияти сохтмони метрои зеризаминиро дар ин қисмат ба таври мусбӣ арзёбӣ намуданд.
Айни замон, ҷонибҳо барои ҳарчи зудтар оғоз намудани марҳилаҳои асосноккунии техникӣ-иқтисодӣ ва лоиҳакашии он корабарӣ намуда истодаанд.
АКС: Вазорати нақлиёти Ҷумҳурии Тоҷикистон
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
