Мероси Мир Сайид Алии Ҳамадонӣ дар нишасти байналмилалӣ дар Теҳрон баррасӣ гардид
ДУШАНБЕ, 16.07.2026 /АМИТ «Ховар»/. 14 июл дар Муассисаи фарҳангии Созмони ҳамкории иқтисодӣ дар шаҳри Теҳрон нишасти бузургдошти шоир, ориф ва мутафаккири барҷастаи Шарқ Мир Сайид Алии Ҳамадонӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Исломии Эрон хабар доданд.
Дар ҳамоиши илмӣ ва фарҳангӣ, ки бо иштироки донишмандон, пажӯҳишгарон ва дипломатҳои кишварҳои аъзои Созмони ҳамкории иқтисодӣ баргузор шуд, роҳҳои ҳифз, таҳқиқ, тасҳеҳ ва нашри осори Мир Сайид Алии Ҳамадонӣ мавриди баррасӣ қарор гирифтанд.
Сафири Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ зимни суханронӣ Мир Сайид Алии Ҳамадониро ҳалқаи пайванди миллатҳо ва фарҳангҳои минтақа арзёбӣ намуда, таъкид кард, ки андешаҳои ӯ ҳамчун манбаи донишу маърифат ва ахлоқу ҳикмат метавонанд дар ҳалли мушкилоти ҷаҳони муосир ва таҳкими ҳамдигарфаҳмӣ байни миллатҳо саҳми арзанда гузоранд.
Низомиддин Зоҳидӣ аз ҷойгоҳи хоссаи Мир Сайид Алии Ҳамадонӣ дар Тоҷикистон ёдовар шуда, изҳор дошт, ки оромгоҳи ин шахсияти бузург дар шаҳри бостонии Кӯлоб қарор дошта, осор ва мактаби маънавии ӯ бахши муҳими ҳувияти фарҳангии миллати тоҷикро ташкил медиҳад.
Таъкид гардид, ки дар даврони Истиқлоли давлатии Ҷумҳурии Тоҷикистон бо ибтикори Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон солҳои 1995 ва 2015 ҷашнҳои 680 ва 700-солагии Мир Сайид Алии Ҳамадонӣ бо иштироки донишмандон аз кишварҳои минтақа ва ҷаҳон баргузор шуданд.
Ҳамчунин иттилоъ дода шуд, ки муҳаққиқон ва донишмандони тоҷик бахши муҳими осори Мир Сайид Алии Ҳамадониро таҳқиқ, тасҳеҳ ва нашр намуда, омӯзиш ва пажӯҳиши мероси ин мутафаккири бузург имрӯз низ дар муассисаҳои илмии кишвар идома дорад.
Дар фарҷоми нишаст Сафири Тоҷикистон барои густариши ҳамкории минтақавӣ дар самти ҳамадонишиносӣ, ҷамъоварӣ, таҳқиқ, тасҳеҳ ва нашри мероси Мир Сайид Алии Ҳамадонӣ пешниҳодҳои амалӣ манзур намуд.
Дар ҳамоиш инчунин намояндагони муассисаҳои илмӣ ва пажӯҳишии Эрон, Тоҷикистон ва Покистон, инчунин муҳаққиқони соҳаи нусхашиносӣ ва ҳамадонишиносӣ суханронӣ намуда, зарурати ҳамоҳангсозии талошҳои минтақавиро барои таҳқиқ, нашр ва тарғиби осори арзишманди Мир Сайид Алии Ҳамадонӣ таъкид карданд.
АКС: Сафорати Ҷумҳурии Тоҷикистон дар Ҷумҳурии Исломии Эрон
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
Дар Душанбе таҷрибаи 35-солаи сулҳофарӣ ва сиёсати бисёрсамтаи Тоҷикистон баррасӣ шуд
Сафири Тоҷикистон дар Кувайт бо Мудири омили Ширкати ҳавопаймоии «Jazeera Airways» мулоқот намуд
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
