НИШАСТИ МАТБУОТӢ. Дар Тоҷикистон аз рӯи 55 ихтисос мутахассиси соҳаи кишоварзӣ омода карда мешавад

Июль 24, 2026 17:30

ДУШАНБЕ, 24.07.2026 /АМИТ «Ховар»/. Барои омода намудани мутахассисони баландихтисоси соҳаи кишоварзӣ ва баланд бардоштани ҷойгоҳи илм дар рушди истеҳсолот Донишгоҳи агарарии Тоҷикистон чӣ тадбир меандешад? Дар робита ба саволи хабарнигори АМИТ «Ховар» ректори донишгоҳ Усмон Маҳмадёрзода чунин посух дод:

«Донишгоҳи аграрии Тоҷикистон ба номи Ширишоҳ Шоҳтемур аз рӯи 55 ихтисос мутахассис омода менамояд. Барои боз ҳам бештар пайванд намудани илм бо истеҳсолот филиалҳои кафедраҳои тахассусӣ бо хоҷагию муассисаҳои пешқадам шартномаҳо бастаанд», — афзуд Усмон Маҳмадёрзода.

Таъкид гардид, ки донишҷӯёни донишгоҳ ҳамасола таҷрибаомӯзии истеҳсолию таълимиашонро дар филиалҳо мегузаранд. Дар хоҷагӣ тамоми шароити корию истироҳатӣ барои таҷрибаомӯзон фароҳам оварда шудааст. Донишҷӯён дар раванди таҷрибаомӯзӣ дониши назариявии омӯхтаашонро дар амал татбиқ намуда, ба ин васила малакаи касбияшонро баланд мебардоранд. Ин ҳама барои мутахассиси хуб шудан ва саҳми муносиб гузоштан дар истеҳсолот заминаи мустаҳкам мегузорад.

Ҳамчунин гуфта шуд, ки дар донишгоҳ ба барномаҳои таълимӣ, кишоварзии рақамӣ, таълими усулҳои сарфаи об (обёрии қатрагӣ) ва ҳифзи хок, тақвияти дарсҳои амалӣ, парвариши навъҳои ба иқлим тобовар ва ҳосилнокии баланд, иқтисоди аграрӣ ва дигар самтҳо таваҷҷуҳи бештар равона мегардад.

Дар ҷараёни нишасти матбуотӣ иттилоъ дода шуд, ки Донишгоҳи агарарии Тоҷикистон бо 130 ташкилоту муассисаи олии хориҷи дуру наздик шартномаю созишнома ва бо 40 муассисаи олии хориҷӣ Ёддошти тафоҳум ба имзо расонидааст.

Фирӯза ДАВЛАТЗОДА,
АМИТ «Ховар»

АКС: АМИТ «Ховар»

Июль 24, 2026 17:30

Хабарҳои дигари ин бахш

Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд