НИШАСТИ МАТБУОТӢ. 36 муассисаи таълимӣ ба таври шартӣ аз аттестатсияи давлатӣ гузаронида шуд
ДУШАНБЕ, 14.07.2026 /АМИТ «Ховар»/. Дар шаш моҳи соли 2026 611 муассисаи таълимӣ аз аттестатсия гузаронида шуданд, ки аз ин шумора 36 муассисаи таълимӣ, аз ҷумла 6 муассисаи таълимии томактабӣ, 23 муассисаи таҳсилоти умумӣ, 4 муассисаи таҳсилоти иловагӣ, 2 муассисаи таҳсилоти ибтидоии касбӣ ва 1 муассисаи таҳсилоти олии касбӣ бинобар сабаби пурра ба талаботи меъёрӣ мутобиқат накардан аз аттестатсияи давлатӣ шартан гузаронида шуданд. Дар ин хусус имрӯз зимни нишасти матбуотии Агентии назорат дар соҳаи маориф ва илми назди Президенти Ҷумҳурии Тоҷикистон иттилоъ дода шуд.
Иброз гардид, ки ба ин муассисаҳо иҷозатнома ба муҳлати номаҳдуди амал дода шуда, аттестатсияи такрории онҳо давоми ду соли минбаъда муқаррар карда шудааст.
Аз шумораи умумии муассисаҳои таълимии шартан аз аттестатсияи давлатӣ гузашта ба вилояти Хатлон 6 муассиса, ба вилояти Суғд 4 муассиса, ба шаҳри Душанбе 5 муассиса, ба минтақаи Кӯлоб 5 муассиса, ба минтақаи Рашт 7 муассиса, ба минтақаи Зарафшон 2 муассиса ва ба раёсатҳои дастгоҳи марказии Агентӣ 7 муассиса рост меояд.
Дар нимсолаи якуми соли 2026 тибқи дархости муассисаҳо аккредитатсияи давлатии таълимии 8 муассисаи таҳсилоти умумии дорои мақоми ҷумҳуриявӣ ва ғайридавлатӣ, 19 муассисаи таҳсилоти ибтидоӣ ва миёнаи касбӣ, 22 муассисаи таҳсилоти олии касбӣ ва таҳсилоти касбии баъд аз муассисаи олии таълимӣ гузаронида шуда, ба муассисаҳои таълимӣ шаҳодатнома дар бораи аккредитатсияи давлатӣ ба муҳлати 5 сол дода шуд.
Иттилоъ дода шуд, ки соли 2026 аз ҷониби раёсату шуъбаҳои минтақавии агентӣ аккредитатсияи давлатии 307 муассисаи таҳсилоти умумии мақоми маҳаллӣ (дар шаҳри Душанбе — 7, Вилояти Мухтори Кӯҳистони Бадахшон – 22, вилояти Суғд – 85, минтақаи Бохтари вилояти Хатлон – 97, минтақаи Кӯлоби вилояти Хатлон – 34, минтақаи Ҳисор – 21, минтақаи Рашт – 14 ва минтақаи Зарафшони вилояти Суғд – 27) гузаронида шудааст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
Тоҷикистон натиҷаҳои аввалини PISA 2025-ро муаррифӣ мекунад
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
