НИШАСТИ МАТБУОТӢ. Ҳаҷми Маҷмуи маҳсулоти дохилӣ дар Тоҷикистон ба 81,7 миллиард сомонӣ баробар гардид
ДУШАНБЕ, 20.07.2026 /АМИТ «Ховар»/. Дар шашмоҳаи якуми соли 2026 дар Тоҷикистон суръати рушди воқеии Маҷмуи маҳсулоти дохилӣ 8,2 фоизро ташкил дода, ҳаҷми он ба 81,7 миллиард сомонӣ баробар шуд, ки нисбат ба ҳамин давраи соли 2025 10,8 миллиард сомонӣ зиёд мебошад. Дар ин хусус имрӯз зимни нишасти матбуотӣ Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода ба хабарнигорон иттилоъ дод.
Иброз гардид, ки рушди иқтисоди миллӣ асосан аз ҳисоби афзоиши ҳаҷми истеҳсоли маҳсулоти саноатӣ 14,1 фоиз, кишоварзӣ 7,2 фоиз, хизматрасонии пулакӣ 10,6 фоиз, маблағгузорӣ ба сармояи асосӣ 18,4 фоиз, гардиши савдо 26,1 фоиз, боркашонӣ 14,7 фоиз ва мусофиркашонӣ 8 фоиз таъмин гардид.
Шарҳ дода шуд, ки дар давраи ҳисоботӣ сатҳи таваррум 2,4 фоизро ташкил дода, нисбат ба ҳамин давраи соли 2025 0,6 банди фоизӣ зиёд мебошад. Таваррум асосан аз ҳисоби болоравии нархи маҳсулоти озуқа 2,6 фоиз, маҳсулоти ғайриозуқа 1,7 фоиз ва арзиши хизматрасониҳои пулакӣ 3,8 фоиз зиёд гардидааст.
Гуфта шуд, ки барои татбиқи ҳадафи чоруми миллӣ – саноатикунонии босуръати мамлакат тадбирҳои мушаххас амалӣ гардиданд. Аз ҷумла, барои зиёд намудани ҳаҷми истеҳсоли маҳсулот, таъмини бозори дохилӣ бо маҳсулоти рақобатпазири ватанӣ, ба истифода додани иқтидори нави истеҳсолӣ, истифодаи самараноки имконияти истеҳсоливу содиротӣ ва таъсиси ҷойи нави кор корҳои назаррас анҷом дода шуданд.
Новобаста аз таъсир ва пайомадҳои манфии равандҳои ҷаҳонию минтақавӣ дар шаш моҳи соли 2026 рушди мусбати иқтисоди миллӣ таъмин гардид.
Моҳинави НАВРӮЗ,
АМИТ «Ховар»
АКС: АМИТ «Ховар»
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
