НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
ДУШАНБЕ, 07.07.2026 /АМИТ «Ховар»/. Бахшида ба ҷашни 35-солагии Истиқлоли давлатӣ то 1 июни соли 2026 дар саросари мамлакат 31 ҳазору 377 иншооти таъйиноти гуногуни иҷтимоӣ сохта, мавриди истифода қарор гирифтааст. Дар натиҷа беш аз 57 ҳазору 151 ҷойи нави корӣ таъсис дода шуда, иҷрои нақша 106,3 фоизро ташкил медиҳад. Дар ин хусус ба намояндагони расонаҳои хабарӣ Раиси Кумитаи рушди маҳали назди Президенти Ҷумҳурии Тоҷикистон Камолиддин Муминзод имрӯз зимни нишасти матбуотӣ иттилоъ дод.
Камолиддин Муминзод афзуд, ки корҳои ҳамоҳангсозӣ ҷиҳати татбиқи Нақшаи чорабиниҳо вобаста ба эълон гардидани соли 2026 ҳамчун «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ» идома дошта, маълумоти таҳлилӣ мунтазам ба Дастгоҳи иҷроияи Президенти Ҷумҳурии Тоҷикистон пешниҳод мегардад.
Гуфта шуд, ки дар самти рушди иҷтимоию иқтисодӣ Кумита натиҷаҳои мониторинги барномаҳои рушди иҷтимоию иқтисодии шаҳру ноҳияҳоро ҷамъбаст намуда, барои баррасӣ ва андешидани чораҳои зарурӣ ба мақомоти дахлдор пешниҳод кардааст.
Ҳамчунин иттилоъ дода шуд, ки айни замон 42 созишномаи бародаршаҳрӣ ва ҳамкорӣ бо давлатҳои хориҷӣ мавриди амал қарор дорад. Дар ҳамкорӣ бо Ташкилоти ғайритиҷоратии «Саемаул Ундонг»-и Ҷумҳурии Корея татбиқи лоиҳаҳои рушди инфрасохторӣ дар як қатор деҳаҳои ҷумҳурӣ идома дошта, маблағи умумии онҳо 440 ҳазор доллари ИМА-ро ташкил медиҳад.
Ширин ҚОСИМӢ,
АМИТ «Ховар»
АКС: АМИТ «Ховар»
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон муассисаи таҳсилоти томактабии хусусии «Ғунчаи баҳор»-ро ба истифода доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Дар роҳи Душанбе–Чаноқ хатҳои уфуқӣ аз нав кашида мешаванд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар Донишгоҳи давлатии тиббии Тоҷикистон доир ба зеҳни сунъӣ ва тандурустии рақамӣ конференсия доир гардид
