НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ДУШАНБЕ, 15.07.2026 /АМИТ «Ховар»/. Дар доираи иҷрои қарори Ҳукумати Ҷумҳурии Тоҷикистон «Дар бораи грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занон барои солҳои 2021–2026» барои дарёфти гранти президентӣ дар соли 2026 ба комиссияи озмун 945 лоиҳа пешниҳод гардидааст. Дар айни замон лоиҳаҳои пешниҳодшуда аз ҷониби комиссияи озмун мавриди баррасӣ қарор доранд. Дар ин хусус имрӯз зимни нишасти матбуотӣ Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода ба хабарнигорон иттилоъ дод.
«Грантҳои президентӣ яке аз механизмҳои муҳими дастгирии фаъолияти соҳибкории занон буда, ба баланд бардоштани вазъи иқтисодии оилаҳо, истифодаи самараноки буҷети оилавӣ, афзоиши фаъолнокии занон дар бахши тиҷорат ва ҷалби онҳо ба соҳибкорӣ мусоидат менамоянд»,–афзуд Бунафша Файзиддинзода.
Иттилоъ дода шуд, ки соли 2025 дар доираи татбиқи ин қарор 200 нафар занони ҳунарманду соҳибкор ба маблағи умумии 15 миллион сомонӣ соҳиби гранти Президенти Ҷумҳурии Тоҷикистон гардиданд. Дар натиҷаи амалисозии ин лоиҳаҳо 1 ҳазору 225 ҷойи нави кор таъсис дода шуд.
Иброз гардид, ки аз шумораи умумии лоиҳаҳои дастгиришуда 37 лоиҳа ба шаҳри Душанбе, 74 лоиҳа ба вилояти Хатлон, 40 лоиҳа ба вилояти Суғд, 18 лоиҳа ба Вилояти Мухтори Кӯҳистони Бадахшон, 22 лоиҳа ба шаҳру ноҳияҳои тобеи ҷумҳурӣ ва 9 лоиҳа ба ноҳияҳои минтақаи Рашт рост меояд.
Ба иттилои Бунафша Файзиддинзода, лоиҳаҳои дастгиришуда самтҳои гуногуни фаъолияти соҳибкориро дар бар гирифта, аз ҷумла ба бунёди боғу гармхонаҳо, таъсиси коргоҳҳои дӯзандагӣ ва рушди ҳунарҳои мардумӣ, чорводорӣ, қаннодӣ, занбӯриасалпарварӣ, моҳипарварӣ, таъсиси марказҳои типографӣ, толори варзишӣ барои занон, кошонаи ҳусн, марказҳои омӯзишӣ, коргоҳҳои консервабарорӣ, коркарди гиёҳҳои шифобахш ва истеҳсоли мураббо равона карда шудаанд.
Моҳинави НАВРӮЗ,
АМИТ «Ховар»
АКС: АМИТ «Ховар»
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
