НИШАСТИ МАТБУОТӢ. Дар Донишгоҳи миллии Тоҷикистон ду шурои нави диссертатсионӣ таъсис дода шуд
ДУШАНБЕ, 15.07.2026 /АМИТ «Ховар»/. Дар Донишгоҳи миллии Тоҷикистон соли 2026 ду шурои нави диссертатсионӣ: шурои адабиётшиносӣ (аз нав) ва шурои рӯзноманигорӣ (нав) ба фаъолият шуруъ намуд. Дар ин хусус имрӯз зимни нишасти матбуотӣ ректори Донишгоҳи миллӣ Эмомалӣ Насриддинзода иттилоъ дод.
Иброз гардид, ки таъсиси шурои диссертатсионӣ аз рӯйи ихтисоси рӯзноманигорӣ талаботи замон мебошад. Шурои диссертатсионии адабиётшиносӣ бо рамзи 6D.KOA-122 аз рӯйи ихтисосҳои нав: 6D020501 — Адабиёти тоҷик, равобити адабӣ; 6D021002 — Адабиёти халқҳои мамлакатҳои хориҷии Аврупо, Осиё, Африқо, бумиёни Амрико ва Австралия ва 6D021403 — Матншиносӣ ва нусхашиносӣ дубора таъсис дода шуд. Шурои диссертатсионии рӯзноманигорӣ бо рамзи 6D.KOA-123 аз рӯйи ду ихтисос: 6D050401 — рӯзноманигорӣ ва 6D051601 — рӯзноманигории байналмилалӣ навтаъсис мебошад.
Иттилоъ дода шуд, ки яке аз нишондиҳандаҳои муҳимми рушди фаъолияти илмӣ фаъолияти шуроҳои диссертатсионӣ мебошад. Дар айни замон дар заминаи донишгоҳ 24 Шурои диссертатсионӣ, аз ҷумла 16 шурои диссертатсионии Комиссияи олии аттестатсионии назди Президенти Ҷумҳурии Тоҷикистон ва 8 Шурои диссертатсионии назди Вазорати маориф ва илми Федератсияи Русия фаъолият доранд.
Эмомалӣ Насриддинзода афзуд, ки Донишгоҳи миллии Тоҷикистон ба раддабандии «Таҳсилоти Олии Таймз» (Times Higher Education (THE)) ворид гардида, байни 1646 донишгоҳи бонуфузи дунё аз 116 давлат мақоми намоёнро соҳиб гардид. Дар раддабандии номбаршуда ба донишгоҳҳо аз рӯйи 17 ҳадафи рушди устувори Созмони Милали Муттаҳид баҳо гузошта мешавад. Донишгоҳи миллии Тоҷикистон бо гирифтани 33,1-53,6 хол аз рӯйи ҳама нишондодҳо нахустин донишгоҳи Ҷумҳурии Тоҷикистон буд, ки ба ин раддабандӣ ворид гардид. Яъне, Донишгоҳи миллии Тоҷикистон аз рӯйи 17 ҳадафи рушди устувори Созмони Милали Муттаҳид мақом ва холҳои назаррасро соҳиб гардид.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
