НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
ДУШАНБЕ, 15.07.2026 /АМИТ «Ховар»/. Дар нимсолаи якуми соли 2026 дар Ҷумҳурии Тоҷикистон 889 ҳазору 400 нафар сайёҳи хориҷӣ ба қайд гирифта шуд, ки нисбат ба ҳамин давраи соли 2025 16,7 фоиз зиёд мебошад. Дар ин хусус имрӯз зимни нишасти матбуотии Кумитаи рушди сайёҳии назди Ҳукумати Ҷумҳурии Тоҷикистон иттилоъ дода шуд.
Иброз гардид, ки тибқи маълумоти пешакии Агентии омори назди Президенти Ҷумҳурии Тоҷикистон, дар давраи ҳисоботӣ ба Тоҷикистон 1 миллиону 63 ҳазору 400 шаҳрванди хориҷӣ ворид гардидааст. Аз ин шумора 806 ҳазору 900 нафар аз давлатҳои Иттиҳоди Давлатҳои Мустақил ва 82 ҳазору 500 нафар аз давлатҳои хориҷи дур мебошанд.
Гуфта шуд, ки дар мамлакат заминаи ҳуқуқии рушди соҳаи сайёҳӣ мунтазам такмил ёфта, «Стратегияи рушди сайёҳӣ дар Ҷумҳурии Тоҷикистон барои давраи то соли 2030», ки соли 2018 қабул гардидааст, соли нуҳум аст, ки мавриди татбиқ қарор дорад.
Иттилоъ дода шуд, ки дар давраи ҳисоботӣ дар ҷумҳурӣ 216 меҳмонхона, 53 хостел ва мотел, 57 осоишгоҳ, 4 осоишгоҳи кӯдакона, 6 маркази муолиҷавӣ, 8 хонаи истироҳатӣ ва 5 базаи сайёҳӣ фаъолият намуданд.
Инчунин мувофиқи Феҳристи давлатии субъектҳои хизматрасони соҳаи сайёҳии Кумитаи рушди сайёҳӣ, ба ҳолати шаш моҳи соли 2026 дар ҷумҳурӣ 191 ширкати сайёҳӣ ба қайд гирифта шудааст. Аз ҷумла, дар Вилояти Мухтори Кӯҳистони Бадахшон 31 ширкат, шаҳри Душанбе 93 ширкат, вилояти Суғд 42 ширкат, вилояти Хатлон 15 ширкат ва дар шаҳру ноҳияҳои тобеи ҷумҳурӣ 10 ширкати сайёҳӣ фаъолият доранд.
Моҳинави НАВРӮЗ,
АМИТ «Ховар»
АКС: АМИТ «Ховар»
Маҷлиси Ҳукумати Ҷумҳурии Тоҷикистон баргузор гардид
Робитаҳои соҳибкорӣ байни Тоҷикистон ва Фландрияи Подшоҳии Белгия густариш меёбанд
Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ доир шуд
Тоҷикистон ва Фландрияи Шоҳигарии Белгия ҳамкории тиҷоратию иқтисодиро густариш медиҳанд
Вазири нақлиёти Тоҷикистон ва Раиси вилояти Гулистони Эрон ҳамкорӣ дар соҳаи нақлиёт ва логистикаро баррасӣ намуданд
«РОҒУН» — КОХИ НУР. Сарбанди ин неругоҳ баландтарин садди обӣ дар ҷаҳон хоҳад буд
Сармоягузорони Эрон бо имконоти истеҳсолии Минтақаи озоди иқтисодии «Данғара» шинос шуданд
Таҳияи Харитаи роҳ оид ба татбиқи Нақшаи глобалии амали гендерӣ дар соҳаи гуногунии биологӣ дар Тоҷикистон баррасӣ гардид
Дар Тоҷикистон 1,1 ҳазор нуқтаи нави фурӯши неруи барқ барои нақлиёти барқӣ сохта мешавад
Намояндагони Тоҷикистон дар Конфронси UNCCD COP17 дар Улан-Батор иштирок намуданд
«Фестивали тобистонаи Душанбе – 2026» бо барномаи бошукуҳи фарҳангию фароғатӣ ҷамъбаст гардид
Ҳайати Тоҷикистон дар ҷаласаҳои Комиссияи Иттиҳоди минтақавӣ дар соҳаи алоқа оид ба спектри радиобасомадҳо иштирок намуд
