НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
ДУШАНБЕ, 13.07.2026 /АМИТ «Ховар»/. Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон дар нимсолаи аввали соли 2026 дар озмоишгоҳи дастгоҳи марказӣ ва озмоишгоҳҳои минтақавӣ чанд ҳолат ва намунаи маҳсулотро аз ташхис гузаронид? Дар робита ба саволи хабарнигори АМИТ «Ховар» муовини директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон Малоҳат Рустамзода чунин посух дод:
«Озмоишгоҳҳои Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон дорои аккредитатсияи байналмилалӣ мебошанд. Соли 2026 120 намунаи маҳсулоти ғайристандартӣ дар озмоишгоҳҳои Агентӣ ошкор гардид, ки нисбат ба соли 2025 91 ҳолат зиёд мебошад».
Ҳамчунин гуфта шуд, ки новобаста ба эълони мониторинг озмоишгоҳҳои Агентӣ фаъол мебошанд. Инчунин барои муайян намудани нишондиҳандаҳои ташхиси маҳсулоти хӯрокворӣ якчанд ҳуҷҷати меъёрию техникӣ низ амал мекунад. Соли 2026 барои муайян кардани маҳсулоти хӯрокворӣ техникаҳои муосир ворид гардиданд.
Таъкид гардид, ки Агентии «Тоҷикстандарт» дар шаҳри Душанбе ва марказҳои минтақавӣ озмоишгоҳҳои замонавӣ дорад. Онҳо сифати маҳсулот ва дурустиро аз санҷиш мегузаронанд. Озмоишгоҳҳои Агентӣ бехатарии ғизо ва меваю сабзавот, назорати сифати сӯзишворӣ (метрология ва ченакҳо), ҳарорат, вазн (масса) ва фишорро муайян мекунанд. Инчунин санҷиши молҳои саноатӣ, мутобиқати маҳсулот ба стандартҳои миллӣ ва байналмилалӣ ташхис карда мешавад.
Дар ҷараёни нишаст иттилоъ дода шуд, ки дар шаш моҳи соли 2026 1 миллиону 164 ҳазору 596 килограмм маҳсулоти гуногуни пастсифат ба қайд гирифта шудааст, ки ба талабот ҷавобгӯ набудаанд.
«Дар озмоишгоҳҳои ташхиси маҳсулоти хӯрокворӣ, сифат ва бехатарӣ 550 087 килограмм, аз ҷумла 3590 килограмм маҳсулоти гӯштӣ, 54 ҳазору 522 килограмм равғани растанӣ, 91 500 килограмм орд, 13 ҳазору 596 килограмм маҳсулоти ғалладонагӣ, 30 ҳазору 861 килограмм консерва ва 1306 литр нӯшокиҳои спиртӣ, 13 ҳазору 480 литр нӯшокиҳои ғайриспиртӣ, 4943 килограмм маҳсулоти қаннодӣ, 55 ҳазору 786 килограмм намак ва дигар маҳсулот ғайристандартӣ дониста шуданд. Мутобиқи тартиби муқарраргардида, нисбат ба воридоткунандагони ин маҳсулот тадбирҳои маъмурӣ андешида шуданд», — иброз намуд Малоҳат Рустамзода.
Ҳамчунин иттилоъ дода шуд, ки дар ин давра аз ҷониби соҳибкорон 619 ҳазору 409 килограмм маҳсулоти гуногуни хӯрокворӣ, ки муҳлати истеъмолашон гузаштааст, ба анборҳои нигоҳдории Агентӣ супорида шуданд.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
НИШАСТИ МАТБУОТӢ. Дар шаш моҳ 1 ҳазору 750 ҳолати вайронкунии қоидаҳои истифодаи неруи барқ ошкор гардид
Намояндагони Тоҷикистон дар ҷаласаи 69-уми Шурои байнидавлатӣ оид ба стандартизатсия иштирок намуданд
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
Пешвои миллат Эмомалӣ Раҳмон соҳибкоронро ба сармоягузорӣ дар истеҳсолот ва коркарди ашёи хоми ватанӣ даъват намуданд
Эмомалӣ Раҳмон: ««Барномаи рушди металлургияи сиёҳ барои солҳои 2027–2035» таҳия карда шавад»
Эмомалӣ Раҳмон: «Тоҷикистон бояд аз кишвари истихроҷкунандаи маъдан ба истеҳсолкунандаи маҳсулоти металлӣ табдил ёбад»
Талаботи Тоҷикистон ба филизоти сиёҳ то соли 2035 ба беш аз 2,3 миллион тонна мерасад
Эмомалӣ Раҳмон: «Рушди металлургияи сиёҳ сармоягузорӣ ба ояндаи Тоҷикистон аст»
Дар шаш моҳи соли равон 691,1 миллион дона тухм ва 21,1 тонна гӯшти паранда истеҳсол гардидааст
