НИШАСТИ МАТБУОТӢ. Дар Шаҳринав 297 иншооти гуногун ба истифода дода шуд
ШАҲРИНАВ, 29.07.2026 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар ноҳияи Шаҳринав бунёди 297 иншоот, аз ҷумла дар соҳаи маориф 12 иншоот, соҳаи тандурустӣ- 17 иншоот, соҳаи варзиш- 12 иншоот, 6 корхонаи саноатӣ, 9 иншооти соҳаи кишоварзӣ, 101 иншооти соҳаи савдою хизматрасонӣ, дар 23 мавзеъ кашидани хати оби нӯшокӣ, 52 иншоот дар соҳаи роҳу нақлиёт ва дигар иншооти мухталиф ба нақша гирифта шуда буд. То имрӯз бо дастгирии Мақомоти иҷроияи ҳокимияти давлатии ноҳияи Шаҳринав ва соҳибкорону сокинон 297 иншоот (бо бунёди 4 иншооти иловагӣ) сохта, ба истифода дода шуд, ки 100 фоизи нақшаро ташкил медиҳад. Дар ин хусус имрӯз зимни нишасти матбуотии ноҳияи Шаҳринав иттилоъ дода шуд.
Гуфта шуд, ки корхонаҳои саноатии ноҳияи Шаҳринав, новобаста аз шакли моликият бо назардошти истифодаи қувваи барқ ва оби нӯшокӣ ба маблағи 38 миллиону 896 ҳазор сомонӣ маҳсулоти саноатӣ истеҳсол намудаанд. Ин рақам нисбат ба ҳамин давраи соли 2025 131,2 фоиз афзоиш ёфта, 9 миллиону 244 ҳазору 200 сомонӣ зиёд мебошад.
Дар шаш моҳи соли 2026 аз 34 корхонаи саноатии мухталифи ноҳияи Шаҳринав 24 корхонаи саноатӣ фаъолият намуданд. Фаъолияти 19 корхона дар доираи дурнамо нисбат ба ҳамин давраи соли 2025 самаранок арзёбӣ гардид.
Тавре дар нишасти матбуотӣ иброз гардид, дар шаш моҳи соли равон маҷмуи маҳсулоти кишоварзӣ ба 278 миллиону 809 ҳазор сомонӣ баробар гардид, ки нисбат ба ҳамин давраи соли 2025 6 миллиону 820 ҳазор сомонӣ зиёд аст. Суръати рушди соҳаи кишоварзӣ дар ин давра 102,5 фоизро ташкил дод.
Субҳониддини МАҲМУД,
АМИТ «Ховар»
АКС: АМИТ «Ховар»
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
Сарвари давлат Эмомалӣ Раҳмон сафари корӣ ба шаҳри Кӯлоб ташриф оварданд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар шаҳри Панҷакент сохтмони иншооти иҷтимоӣ вусъат меёбад
Пешвои миллат Эмомалӣ Раҳмон дар ноҳияи Восеъ ба фаъолияти Маркази таълимӣ ва забономӯзии «Ориё» расман оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ боғчаи бачагонаи «Маҳдия»-ро ба истифода супориданд
Сарвари давлат Эмомалӣ Раҳмон дар ноҳияи Восеъ ба таври фосилавӣ 20 иншооти таъиноташон гуногун ва 70 километр роҳҳои маҳаллиро мавриди баҳрабардорӣ қарор доданд
Пешвои миллат Эмомалӣ Раҳмон дар ноҳияи Восеъ бинои Меҳмонхона ва Маркази хизматрасонии «Эҳсон»-ро ба истифода доданд
Дар шаҳри Москва 35-солагии Истиқлоли давлатии Тоҷикистон таҷлил намуданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ бинои Беморхонаи хусусии «Тибби Ҳулбук»-ро мавриди истифода қарор доданд
Сарвари давлат Эмомалӣ Раҳмон бо сафари корӣ ба ноҳияи Восеъ ташриф оварданд
