НИШАСТИ МАТБУОТӢ. Дар Тоҷикистон ҳаҷми истеҳсоли маҳсулоти кишоварзӣ афзоиш ёфтааст
ДУШАНБЕ, 09.07.2026 /АМИТ «Ховар»/. Дар шаш моҳи соли 2026 ҳаҷми умумии маҳсулоти кишоварзӣ дар ҳамаи шаклҳои хоҷагидории ҷумҳурӣ ба 28,8 миллиард сомонӣ расид, ки нисбат ба ҳамин давраи соли 2025 1,9 миллиард сомонӣ афзоиш ёфт. Аз ҳаҷми умумии истеҳсолот 18,3 миллиард сомонӣ ба маҳсулоти растанипарварӣ ва 10,5 миллиард сомонӣ ба маҳсулоти чорводорӣ рост омадааст. Дар ин хусус имрӯз зимни нишасти матбуотии Вазорати кишоварзии Ҷумҳурии Тоҷикистон иттилоъ дода шуд.
Дар нишаст ҳамчунин изҳор гардид, ки дар шаш моҳи соли 2026 дар истеҳсоли маҳсулоти кишоварзӣ саҳми хоҷагиҳои деҳқонӣ (фермерӣ) ва ҷамоавӣ 47,2 фоиз ва бахши аҳолӣ 52,8 фоизро ташкил медиҳад. Аз рӯи тақсимоти ҳудудӣ, ҳиссаи вилояти Хатлон дар ҳаҷми умумии истеҳсоли маҳсулоти кишоварзӣ 59,2 фоиз, вилояти Суғд 25,4 фоиз, Вилояти Мухтори Кӯҳистони Бадахшон 1 фоиз ва шаҳри Душанбе якҷо бо шаҳру ноҳияҳои тобеи ҷумҳурӣ 14,4 фоиз-ро ташкил медиҳад.
Ҳамчунин иттилоъ дода шуд, ки дар муқоиса ба нишондиҳандаи ҳамин давраи соли 2025 истеҳсоли як қатор маҳсулоти асосии соҳа зиёд гардидааст. Аз ҷумла, истеҳсоли картошка, ки 286 ҳазор тоннаро ташкил дод, нисбат ба ҳамин давраи соли 2025 6,8 фоиз зиёд шудааст. Инчунин сабзавот 1281,5 ҳазор тонна, (5,3 фоиз), истеҳсоли гӯшт 135,6 ҳазор тонна(14,4 фоиз), гӯшти паранда 21,1 ҳазор тонна (7,1 фоиз), шир 465,5 ҳазор тонна (6,5 фоиз), тухм 691,1 миллион дона (3,3 фоиз), пашм 6,1 ҳазор тонна (5,5 фоиз), пилла 317,8 тонна (36,2 фоиз) ва истеҳсоли асал 718,3 тоннаро ташкил дода, 6,6 фоиз зиёд гардидааст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»








Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад






