НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
ДУШАНБЕ, 13.07.2026 /АМИТ «Ховар»/. Дар шаш моҳи соли 2026 аз ҷониби корхонаҳои соҳаи хоҷагии манзилию коммуналӣ ба истифодабарандагон ба маблағи 62 миллиону 590,2 ҳазор сомонӣ хизматрасониҳои гуногуни коммуналӣ расонида шуданд, ки нисбат ба ҳамин давраи соли 2025 5 миллиону 79 ҳазор сомонӣ беш буда, суръати афзоиши он 108,8 фоизро дар бар мегирад. Дар ин хусус имрӯз зимни нишасти матбуотии Кумитаи хоҷагии манзилию коммуналии назди Ҳукумати Ҷумҳурии Тоҷикистон иттилоъ дода шуд.
Корхонаҳои соҳаи обтаъминкунӣ ва рафъи обҳои партов дар шаш моҳи соли 2026 ба истифодабарандагон ба маблағи 77 миллиону 219,2 ҳазор сомонӣ хизматрасониҳои гуногуни коммуналиро таъмин намуданд. Ин нисбат ба ҳамин давраи соли 2025 дар ҳаҷми 11 миллион 196,2 ҳазор сомонӣ зиёд буда, суръати афзоиши он 117,0 фоизро ташкил медиҳад.
Дар ҷараёни нишаст Ҷамшед Табарзода вобаста ба пардохти андозҳо иброз намуд, ки «мувофиқи маълумоти пешакӣ, дар ҷамъбасти натиҷаҳои фаъолияти нимсолаи аввали соли 2026 корхонаҳои тобеи низоми Кумита ба суратҳисоби мақомоти андози шаҳру ноҳияҳои мамлакат аз рӯи ҳама намуди андозҳо 65 миллиону 922 ҳазор сомонӣ ворид намудаанд».
Ҳамчунин гуфта шуд, ки дар шаш моҳи соли 2026 аз ҷониби корхонаҳои коммуналии шаҳру навоҳии ҷумҳурӣ корҳои ободонию сабзазоркунӣ ба маблағи 30 миллиону 350,0 ҳазор сомонӣ ба иҷро расидаанд, ки 90 фоизи иҷрои нишондиҳандаҳои пешбинигардидаро дар бар мегиранд.
Ширинмоҳ ҚОСИМӢ,
АМИТ «Ховар»
АКС: АМИТ «Ховар»
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
Муовини Сарвазири Тоҷикистон бо корҳои кишоварзӣ дар шаҳри Ҳисор шинос шуд
Дар ноҳияҳои вилояти Хатлон ҷамъоварӣ ва коркарди пахта идома дорад
Бо иштироки муовини Сарвазири Тоҷикистон дар Шаҳринав ҷамъоварии пахта оғоз гардид
