НИШАСТИ МАТБУОТӢ. Кумитаи забон ва истилоҳот фаъолияти 75 ташкилотро мавриди санҷиш қарор дод
ДУШАНБЕ, 10.07.2026 /АМИТ «Ховар»/. Кумитаи забон ва истилоҳоти назди Ҳукумати Ҷумҳурии Тоҷикистон дар нимсолаи якуми соли 2026 фаъолияти 75 муассиса ва ташкилотро вобаста ба риояи талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» мавриди назорат ва санҷиш қарор дод. Дар ин хусус имрӯз зимни нишасти матбуотӣ раиси кумита Сахидод Раҳматуллозода ба хабарнигорон иттилоъ дод.
Ба ин шумораи умумӣ 12 муассисаи таҳсилоти олии касбӣ дар шаҳрҳои Душанбе, Бохтар, Кӯлоб ва Хуҷанд, 55 мақомоти муассиса ва ташкилоти давлатӣ, инчунин 8 мақомоти худидоракунии шаҳрак ва деҳот дохил мешаванд.
Нишондиҳандаи мазкур нисбат ба ҳамин давраи соли 2025 36 адад зиёд мебошад. Инчунин кумита дар ҳамкорӣ бо Муассисаи давлатии «Рекламаи берунӣ ва ороиши шаҳри Душанбе» 224 маводи рекламавии ташкилоту муассисаҳо ва соҳибкорони инфиродиро аз нигоҳи мутобиқати матни овезаҳо ва ангораҳои рекламавӣ ба талаботи қонунгузории забонӣ баррасӣ намуда, мувофиқ гардонидааст.
Дар давраи ҳисоботӣ 94 лоиҳаи санади меъёрии ҳуқуқӣ аз ҷиҳати экспертизаи забоншиносӣ ва ҳамгунсозии истилоҳот мавриди баррасӣ қарор гирифт, ки нисбат ба ҳамин давраи соли 2025 52 адад зиёд мебошад.
Моҳинави НАВРӮЗ,
АМИТ «Ховар»
АКС: АМИТ «Ховар»
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
Шоири халқии Тоҷикистон Ҳадиса Қурбонова аз олам даргузашт
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
