Сафири Тоҷикистон дар Давлати Кувайт бо Дабири кулли Муколамаи ҳамкории Осиё мулоқот намуд

ДУШАНБЕ, 16.07.2026 /АМИТ «Ховар»/. 16 июл дар ал-Кувайт Сафири Фавқулода ва Мухтори Ҷумҳурии Тоҷикистон дар Давлати Кувайт Хусрав Нозирӣ бо Дабири кулли Муколамаи ҳамкории Осиё Носир ал-Мутайрӣ мулоқот намуд.

Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, зимни мулоқот масъалаҳои марбут ба фаъолияти созмони мазкур дар соҳаҳои авлавиятноки он, таҳкими бештари ҳамкорӣ ва мавзуъҳои дигари мавриди эҳтимоми муштарак баррасӣ шуданд.

Таъкид гардид, ки Тоҷикистон аъзои фаъоли Муколамаи ҳамкории Осиё буда, дар пешбурди ҳадафҳои созмон саҳми босазо мегузорад.

Ёдовар мешавем, ки Ҷумҳурии Тоҷикистон солҳои 2012-2013 раёсати ин созмони минтақавиро бар дӯш дошта, 29 марти 2013 Душанбе мизбони Ёздаҳумин нишасти вазирони корҳои хориҷии кишварҳои аъзои Муколамаи ҳамкории Осиё буд.

АКС: Сафорати Ҷумҳурии Тоҷикистон дар Давлати Кувайт