Сафири Тоҷикистон дар Русия бо Дабири кулли Созмони байналмилалии забони русӣ мулоқот намуд
ДУШАНБЕ, 10.07.2026 /АМИТ «Ховар»/. 9 июл Сафири Фавқулода ва Мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода бо Дабири кулли Созмони байналмилалии забони русӣ Наталя Бочарова мулоқот намуд, хабар медиҳад мухбири АМИТ «Ховар» дар Федератсияи Русия.
Зимни мулоқот масъалаҳои ҳамкорӣ дар доираи Созмони байналмилалии забони русӣ мавриди баррасӣ қарор гирифтанд.
Ҳамчунин ҷонибҳо оид ба баргузории чорабиниҳои муштарак дар давлатҳои аъзои Созмон ва мавзуъҳои эҳтимолӣ барои Нақшаи амали Созмон барои соли 2027 мубодилаи афкор намуданд.
Бояд гуфт, ки Созмони байналмилалии забони русӣ созмони байниҳукуматӣ буда, бо мақсади таблиғ ва ташвиқи забони русӣ, мусоидат ба ҳамкорӣ байни давлатҳо оид ба истифодаи ин забон ва таҳкими мақоми он ҳамчун забони муоширати кории созмонҳо ва сохторҳои байналмилалӣ ва минтақавӣ таъсис дода шудааст.
Ёдовар мешавем, ки Созишнома дар бораи таъсиси Созмони байналмилалии забони русӣ моҳи октябри соли 2023 аз ҷониби сарони давлатҳои Русия, Беларус, Қазоқистон, Қирғизистон, Тоҷикистон ва Узбекистон зимни ҷаласаи Шурои сарони давлатҳои аъзои Иттиҳоди Давлатҳои Мустақил дар шаҳри Бишкек ба имзо расида буд.
Моҳи марти соли 2026 нахустин Конфронси вазирони давлатҳои аъзои Созмон баргузор гардида, Созмони байналмилалии забони русӣ фаъолияти расмиро бо қароргоҳ дар шаҳри Сочии Федератсияи Русия оғоз намуд.
АКС: АМИТ «Ховар»
Дар Брест ҷаласаи 19-уми Комиссияи байниҳукуматии Тоҷикистону Беларус баргузор гардид
Вазири корҳои хориҷии Тоҷикистон нусхаи эътимодномаи сафири нави Кувайтро қабул намуд
Ҳамкории Тоҷикистон ва Кувайт дар чаҳорчӯби созмонҳои байналмилалӣ баррасӣ шуд
Сироҷиддин Муҳриддин бо Сафири Фаронса дар Тоҷикистон мулоқот намуд
Дар Ню-Йорк ҳамкории Тоҷикистон ва Созмони Милали Муттаҳид дар соҳаи иртибототи глобалӣ баррасӣ гардид
Густариши ҳамкории Тоҷикистон бо Чин, Қирғизистон ва Покистон баррасӣ шуд
Сироҷиддин Муҳриддин дар нишасти Шурои вазирони корҳои хориҷии Созмони ҳамкории Шанхай иштирок намуд
Масири дӯстӣ: Марҳилаи нави таърихӣ дар муносибатҳои Тоҷикистон ва Муғулистон
Сафири Тоҷикистон бо намояндагони Котиботи давлатии ИМА мулоқот намуд
САФАРИ ТАЪРИХӢ БА ҚАЛБИ ОСИЁ. Ва ё чаро Муғулистон барои Тоҷикистон муҳим аст?
Дар Москва қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» муаррифӣ шуд
Дар Масқат масъалаи рушди ҳамкории Тоҷикистону Умон дар соҳаи тандурустӣ баррасӣ шуд
