Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
ДУШАНБЕ, 25.07.2026 /АМИТ «Ховар»/. Дар назар аст, ки дар ҳавзаи дарёи Зарафшон неругоҳҳои барқи обии «Айнӣ» ва «Ёвон» бунёд карда шаванд. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад.
Татбиқи лоиҳаи бунёди ин неругоҳҳо дар мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо мудири кулли Раёсати маркетинги минтақаи Авруосиёи ширкати «China Gezhouba Group International Engineering Co., Ltd.» Мао Гохуа дар Душанбе баррасӣ гардид.
Дар мулоқот ҷонибҳо масъалаҳои марбут ба густариши муносибатҳои дуҷониба дар бахши энергетика, аз ҷумла ташкили ҳамкорӣ дар доираи татбиқи лоиҳаи бунёди неругоҳҳои барқи обии «Айнӣ» бо иқтидори 160 МВт ва «Ёвон» бо иқтидори 100 МВт дар ҳавзаи дарёи Зарафшонро баррасӣ намуданд.
Мусоҳибон барои идомаи ҳамкории мутақобили судманд ва пешбурди минбаъдаи лоиҳаи бунёди неругоҳҳои мазкур изҳори омодагӣ намуданд.
АКС: Вазорати энергетика ва захираҳои оби Ҷумҳурии Тоҷикистон
Пахтакорони ноҳияи Мастчоҳ азм доранд 25 ҳазор тонна пахта ҷамъоварӣ намоянд
РУШДИ СОҲАИ САЙЁҲӢ. Хостел ва мотел аз ҳамдигар чӣ фарқ доранд?
Дар Нуробод бо иштироки муовини Сарвазир оид ба пешгирии истифодаи ғайриқонунии неруи барқ ҷаласа баргузор шуд
Ҳамкории Тоҷикистон бо Британияи Кабир дар соҳаи саноат баррасӣ гардид
Роҳбарияти «Амонатбонк» дар Шанхай дар саммити байналмилалии «Huawei Connect 2026» иштирок намуд
РОҲИ БЕҲТАР ВА БЕХАТАР. Сокинони Вилояти Мухтори Кӯҳистони Бадахшон дар муддати 8-10 соат то шаҳри Душанбе мерасанд
Дар вилояти Суғд нақшаи ҷамъоварии пахта беш аз 140 ҳазор тонна пешбинӣ шудааст
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
