Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд
ДУШАНБЕ, 24.07.2026 /АМИТ «Ховар»/. Барои бартараф намудани хисороте, ки 20 июл дар натиҷаи омадани сел дар деҳаҳои Баррӯшон ва Деҳрӯшони ноҳияи Рӯшони Вилояти Мухтори Кӯҳистони Бадахшон ба хонаҳои истиқоматӣ, иншооти иҷтимоию иқтисодӣ ва инфрасохтори соҳаи энергетика расид, корҳои барқарорсозӣ идома доранд.
АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад, ки бо мақсади ҳарчи зудтар барқарор намудани таъминоти неруи барқ аз ҷониби мутахассисони Ҷамъияти саҳомии кушодаи «Помир Энерҷӣ» тадбирҳои зарурӣ андешида шуданд. Ҳамзамон аз трансформаторҳои наздик хатҳои муваққатии интиқоли барқ кашида шуда, сокинони деҳаҳои зарардида пурра бо неруи барқ таъмин гардиданд.
Дар айни замон корҳои бартарафсозии оқибатҳои офати табиӣ идома дошта, иншооти энергетикие, ки зери лой ва хоку санг мондаанд, пас аз тоза гардидани маҳалли ҳодиса аз нав барқарор ва мавриди истифода қарор дода мешаванд.
Барои идома додани корҳои барқарорсозӣ тамоми таҷҳизоти зарурӣ, аз ҷумла трансформаторҳо, симчӯбҳо, ноқилҳо ва дигар маводи техникӣ дастрас гардида, гурӯҳҳои корӣ барои барқарорсозии пурраи инфрасохтори энергетикӣ омода мебошанд.
АКС: Вазорати энергетика ва захираҳои оби Ҷумҳурии Тоҷикистон
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
