СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
ДУШАНБЕ, 05.07.2026 /АМИТ «Ховар»/. Дар Ҷамоати деҳоти Амондара ва Майкатаи шаҳри Панҷакент бахшида ба ҷашни 35-солагии Истиқлоли давлатӣ сохтмони бино ва синфхонаҳои иловагии муассисаҳои таълимӣ идома дорад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Иттилоъ дода шуд, дар деҳаи Майката бинои нави муассисаи таҳсилоти миёнаи умумии рақами 19 сохта мешавад. Бино аз се қабат иборат буда, барои 900 хонанда дар ду баст пешбинӣ гардидааст.
Ҳамзамон дар деҳаи Амондара бо дастгирии мақомоти иҷроияи ҳокимияти давлатии шаҳр ва саҳмгузории шарикони рушд дар доираи лоиҳаи «Такмили таҳсилоти миёна дар соҳаҳои илмҳои табиӣ, технологӣ, муҳандисӣ, математика» бинокорони ширкати сохтмонии «Ҳокими Чорбоғ» бунёди синфхонаҳои иловагии муассисаи таҳсилоти миёнаи умумии рақами 32 идома дорад.
Тибқи лоиҳа, бино аз се ошёна иборат буда, дар он бунёди 15 синфхона, утоқҳои фаннӣ, озмоишгоҳҳо ба нақша гирифта шудааст. Паз аз истифода додан 800 нафар хонанда дар ду баст ба таҳсил фаро гирифта мешаванд.
Рушди соҳаи маориф аз самтҳои афзалиятноки сиёсати давлатӣ ба ҳисоб рафта, сохтмони муассисаҳои таълимии муосир барои фароҳам овардани шароити беҳтари таҳсил аҳамияти калон дорад.
АКС: Мақомоти иҷроияи ҳокимияти давлатии шаҳри Панҷакент
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
Имрӯз дар шаҳри Душанбе ҳаво то 33 дараҷа гарм мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
