Талаботи Тоҷикистон ба филизоти сиёҳ то соли 2035 ба беш аз 2,3 миллион тонна мерасад
ДУШАНБЕ, 12.07.2026 /АМИТ «Ховар»/. Талаботи мамлакат ба филизоти сиёҳ ва маҳсулоти аз он истеҳсолшаванда сол ба сол босуръат афзоиш меёбад. Агар соли 2016 ба Тоҷикистон ҳамагӣ 307 ҳазор тонна филизоти сиёҳ ба маблағи 191 миллион доллар ворид гардида бошад, пас соли 2025 ҳаҷми воридот ба зиёда аз як миллион тонна ва арзиши он ба 584 миллион доллар расидааст. Дар ин хусус Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 9 июл зимни суханронӣ дар мулоқот бо роҳбарону фаъолони вилояти Суғд ва кормандони соҳаи саноати кишвар дар ноҳияи Бобоҷон Ғафуров изҳор намуданд.
Таъкид карда шуд, ки давоми даҳ соли охир ҳаҷми воридоти филизоти сиёҳ ба кишвар зиёда аз се баробар афзоиш ёфтааст.
Тибқи ҳисобҳои дурнамо, бо назардошти суръати рушди иқтисоди миллӣ, татбиқи лоиҳаҳои бузурги энергетикӣ, нақлиётӣ ва сохтмонӣ, инчунин амалисозии ҳадафи стратегии саноатикунонии босуръати мамлакат талабот ба филизоти сиёҳ то соли 2035 метавонад ба зиёда аз 2 миллиону 300 ҳазор тонна дар як сол расида, арзиши он аз якуним миллиард доллар бештар гардад.
Иброз гардид, ки талаботи умумии мамлакат танҳо дар даҳ соли оянда тақрибан 18 миллион тонна бо арзиши беш аз 11 миллиард долларро ташкил хоҳад дод.
Ҳамчунин иттилоъ дода шуд, ки танҳо соли 2025 ба кишвар зиёда аз 600 ҳазор тонна арматура ворид карда шудааст.
АКС: АМИТ «Ховар»
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
