Телевизиони «Синамо» силсилафилми ҳунарии «Нерӯи ишқ»-ро таҳия намуд
ДУШАНБЕ, 07.07.2026 /АМИТ «Ховар»/. Муассисаи давлатии телевизиони «Синамо» силсилафилми ҳунарии «Нерӯи ишқ»-ро аз сохтмони бузурги аср — Неругоҳи барқии обии «Роғун» таҳия ва манзури тамошобинон гардонид. Дар ин хусус 6 июл зимни нишасти матбуотии Кумитаи телевизион ва радиои назди Ҳукумати Ҷумҳурии Тоҷикистон оид ба натиҷаҳои фаъолият дар нимсолаи якуми соли 2026 иттилоъ дода шуд.
Иттилоъ дода шуд, ки «Нерӯи ишқ» аввалин филми бадеӣ аст, ки дар Неругоҳи барқии обии «Роғун» ба навор гирифта шудааст. Филми мазкур аз ишқи поки ду корманди нерӯгоҳ –Таҳмина ва Рустам қисса мекунад. Табиби беморхонаи пойтахт Таҳмина, ки тариқи роҳхат ба бунгоҳи тиббии ин неругоҳ ба кор омадааст ба Рустам, ки бо дасту бозуи баҳодурона дар ин майдони нангу номус заҳмат мекашад, дил мебандад.
Ду ҷавони ошиқ тасмим мегиранд, ки оила бунёд намуда, дар ин корзори нангу номус дар якҷоягӣ барои фардои дурахшони Ватан содиқона меҳнат кунанд. Дар пасманзари муҳаббати ду дилдода, бузургии НБО-и «Роғун» ва қаҳрамонии ҳар як коргари нерӯгоҳ тасвир ёфтааст.
«Дар заминаи ишқи ин ду ҷавон дар филм, манзараҳои сохтмони азими аср, табиати нотакрори Тоҷикистон ва заҳмату талошҳои инсонӣ барои ояндаи кишвар бозтоб ёфтаанд. Филм нишон медиҳад, ки бунёди ояндаи дурахшон дар натиҷаи меҳнати сангин, иродаи қавӣ ва замири неку поки насли бонангу номус ба даст меояд», — гуфта шуд дар нишаст.
АКС: АМИТ «Ховар»
Дар ноҳияи Хуросон ҷамъоварии пахта идома дорад
Эъломияи Сеул ҳамкории давлатҳои Осиёи Марказӣ ва Кореяро дар соҳаи зеҳни сунъӣ тақвият медиҳад
Байни Бонки миллии Тоҷикистон ва Воҳиди кашшофии молиявии Ҷумҳурии Корея санади ҳамкорӣ ба имзо расид
Дар Душанбе ҷаласаи навбатии роҳбарони мақомоти зиддиинҳисории давлатҳои аъзои СҲШ доир гардид
Содироти молу маҳсулот аз Тоҷикистон ба Корея баррасӣ гардид
Ҷаласаи 25-уми вазирони масъули фаъолияти иқтисод ва савдои хориҷии Созмони ҳамкории Шанхай доир шуд
Дар хоҷагиҳои шаҳри Турсунзода ҷамъоварии ҳосили пахта оғоз гардид
Бо имзои санади ҳамкорӣ Тоҷикистон ва Корея ҳамкориро дар соҳаи роҳи оҳан таҳким мебахшанд
Ҳамкории Тоҷикистон бо Бонки аврупоии таҷдид ва рушд баррасӣ шуд
Ёддошти тафоҳум оид ба ҳамкорӣ дар самти муқовимат ба коррупсия байни Тоҷикистон ва Корея ба имзо расид
Ҳайати Тоҷикистон дар Конфронси СҲШ таҷрибаи истифодаи самараноки захираҳои минералиро муаррифӣ менамояд
Байни Тоҷикистон ва Корея Ёддошти тафоҳум дар соҳаи моликияти зеҳнӣ ба имзо расид
