Вазорати молияи Тоҷикистон 81 лоиҳаи санади меъёрии ҳуқуқӣ таҳия намуд
ДУШАНБЕ, 22.07.2026 /АМИТ «Ховар»/. Дар шаш моҳи соли 2026 аз ҷониби Вазорати молияи Ҷумҳурии Тоҷикистон 81 лоиҳаи санади меъёрии ҳуқуқӣ таҳия гардида, тибқи тартиби муқарраршуда барои баррасӣ ба мақомоти дахлдор пешниҳод карда шуд. Аз онҳо 31 лоиҳаи санади меъёрии ҳуқуқӣ бо қарорҳои дахлдори Ҳукумати Ҷумҳурии Тоҷикистон қабул гардидааст. Дар ин хусус имрӯз зимни нишасти матбуотӣ Вазири молияи Ҷумҳурии Тоҷикистон Файзиддин Қаҳҳорзода ба хабарнигорон иттилоъ дод.
Ҳамчунин иброз гардид, ки хароҷоти буҷети давлатӣ дар нимсолаи якуми соли 2026 дар доираи нақшаи пешбинигардида ва иҷрои воқеии даромадҳои буҷет амалӣ карда шуда, ба соҳаҳои иқтисодии мамлакат беш аз 30,3 миллиард сомонӣ равона гардид.
«Ба соҳаҳои ҳокимият ва идоракунии давлатӣ 1,4 миллиард сомонӣ, маориф 6,5 миллиард сомонӣ, тандурустӣ 2,3 миллиард сомонӣ, суғуртаи иҷтимоӣ ва ҳифзи иҷтимоӣ 3,6 миллиард сомонӣ, хоҷагии манзилию коммуналӣ 1,3 миллиард сомонӣ, фарҳанг ва варзиш 1,3 миллиард сомонӣ, комплекси сӯзишворию энергетикӣ 7,5 миллиард сомонӣ, кишоварзӣ 597,3 миллион сомонӣ, сохтмон ва саноат 151,7 миллион сомонӣ, нақлиёт ва коммуникатсия 814,7 миллион сомонӣ равона гардид»,- афзуд Файзиддин Қаҳҳорзода.
Таъкид гардид, ки дар ин давра ба маблағгузории соҳаҳои иҷтимоӣ диққати махсус дода шуда, аз ҳисоби буҷети давлатӣ ба ин соҳаҳо 13,7 миллиард сомонӣ равона гардид. Хароҷоти соҳаи мазкур 45 фоизи ҳаҷми умумии хароҷоти буҷети давлатиро ташкил менамояд.
Иброз гардид, ки дар ин давра барои музди меҳнати кормандони ташкилоти буҷетӣ 8,5 миллиард сомонӣ, дигар моддаҳои ҳимояшаванда, бахусус пардохти нафақа 2,8 миллиард сомонӣ, ҷубронпулӣ ва кумакпулиҳо ба маблағи 451,6 миллион сомонӣ ва идрорпулӣ 122,0 миллион сомонӣ пардохт карда шуд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
