35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Ҳиҷбораки Рашт маркази саломатии деҳот ба истифода дода шуд
РАШТ, 19.08.2026 /АМИТ «Ховар»/. Бахшида ба ҷашни 35-солагии Истиқлоли давлатии Тоҷикистон ва Рӯзи кормандони соҳаи тиб дар Ҷамоати деҳоти Ҳиҷбораки ноҳияи Рашт Маркази саломатии деҳот ба истифода дода шуд. Дар ин хусус ба хабарнигори АМИТ «Ховар» аз Мақомоти иҷроияи ҳокимияти давлатии ноҳияи Рашт иттилоъ доданд.
Зимни ифтитоҳи иншоот иброз гардид, ки ҳифзи саломатии аҳолӣ яке аз самтҳои муҳими сиёсати иҷтимоии давлат ба ҳисоб рафта, фароҳам овардани шароити муносиб барои дастрасии мардум ба хизматрасонии тиббии босифат аз ҷумлаи ҳадафҳои муҳими соҳаи тандурустӣ мебошад.
Маркази саломатии навбунёд аз 9 ҳуҷра иборат буда, бо шароити мусоид ва имконияти зарурӣ барои қабули беморон ва расонидани ёрии аввалини тиббӣ ба аҳолӣ пешбинӣ гардидааст. Дар он ҳуҷраҳои дандонпизишкӣ, хатна, бақайдгирӣ, табибони оилавӣ ва занона мавҷуд буда, бо таҷҳизоти зарурӣ муҷаҳҳаз гардонида шудаанд. Марказ барои сокинони Ҷамоати деҳоти Ҳиҷборак имконияти дастрасии бештар ба хизматрасонии тиббиро фароҳам меорад.
Маркази саломатӣ бо саҳми саховатмандон, аҳолӣ ва Мақомоти иҷроияи ҳокимияти давлатии ноҳияи Рашт бунёд гардида, ба 4340 нафар аҳолии ҷамоати дурдасти Ҳиҷборак хизмати тиббӣ мерасонад.
Бахшида ба ҷашни 35-солагии Истиқлоли давлатӣ дар ноҳияи Рашт 5 маркази саломатии деҳот ва 14 бунгоҳи тиббӣ ба исифода дода шуда, сохтмони 2 маркази саломатии деҳот ва 1 бунгоҳи тиббӣ идома дорад. Дар доираи ин ҷашни давлатӣ инчунин 26 маркази саломатӣ ва бунгоҳи тиббӣ аз таъмири пурра бароварда шуданд.
АКС: Мақомоти иҷроияи ҳокимияти давлатии ноҳияи Рашт
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
Маҷлиси Ҳукумати Ҷумҳурии Тоҷикистон баргузор гардид
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
