35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
ДУШАНБЕ, 11.08.2026 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар шаҳру ноҳияҳои вилояти Хатлон 341 иншооти соҳаи маориф ба истифода дода мешавад. Дар ин хусус ба АМИТ «Ховар» аз Раёсати маорифи вилояти Хатлон иттилоъ доданд.
Тавре сардори Раёсати маорифи вилояти Хатлон Зиёдулло Абдуллозода иттилоъ дод, иншоот аз 2894 синфхона барои 69 ҳазору 456 ҷойи нишаст дар як баст ва барои 1 миллиону 389 ҳазору 12 ҷойи нишаст дар ду баст бо маблағи 1 миллиарду 213 миллиону 688 ҳазор сомонӣ иборат мебошанд.
Аз шумораи умумии иншооти бақайдгирифта 122 иншоотро биноҳои иловагӣ дар назди муассисаҳои таълимӣ, 96 иншоотро синфхонаҳои иловагӣ дар назди муассисаҳои таълимӣ, 36 иншоотро муассисаҳои таҳсилоти миёнаи умумии нав, 36 иншоотро муассисаҳои таҳсилоти томактабии нав, 39 иншоотро марказҳои инкишофи барвақтии кӯдак, 2 иншоотро филиали муассисаи таълимӣ, 3 иншоотро бинои маъмурии шуъбаи маориф ташкил медиҳад. Ҳамзамон 6 муассисаи таълимӣ пурра таъмир ва 1 муассисаи таълимӣ навсозӣ карда мешавад.
Аз шумораи умумии ин иншоот 61 иншоот бо маблағҳои буҷети давлатӣ (411 миллиону 151 ҳазор сомонӣ), 159 иншоот бо маблағгузории Кумитаи падару модарон дар якҷоягӣ бо соҳибкорони маҳаллию ватанӣ (334 миллиону 92 ҳазор сомонӣ) ва 121 иншоот бо маблағгузории Вазорати маориф ва илми Ҷумҳурии Тоҷикистон дар якҷоягӣ бо шарикони рушд (468 миллиону 445 ҳазор сомонӣ) сохта мешаванд.
Ба ҳолати 20 июли соли 2026 дар ҳудуди шаҳру ноҳияҳои вилояти Хатлон 50 иншооти соҳаи маориф, иборат аз 210 синфхона барои 5040 ҷойи нишаст дар як баст ва барои 100 ҳазору 80 ҷойи нишаст дар ду баст сохта шудаанд.
Ёдовар мешавем, ки бо қарори Ҳукумати Ҷумҳурии Тоҷикистон «Барномаи давлатии рушди муассисаҳои соҳаи маорифи вилояти Хатлон барои солҳои 2022-2027» қабул гардидааст.
Барнома ба ҳалли мушкилоти ҷойи нишаст дар муассисаҳои таълимии вилояти Хатлон, аз байн бурдани биноҳои дар ҳолати садамавӣ қарордоштаи муассисаҳои таълимӣ ва фароҳам намудани шароити мусоиди таҳсил равона гардидааст. Ҳадаф аз татбиқи барнома беҳтар гардонидани вазъи моддӣ-техникии муассисаҳои соҳаи маорифи шаҳру ноҳияҳои вилояти Хатлон мебошад.
Зарангези ЛАТИФ,
АМИТ «Ховар»
АКС: АМИТ «Ховар»
Дар Ҳамбурги Олмон 35-солагии Истиқлоли давлатии Тоҷикистон таҷлил гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
Дар иншооти ҷашнии ноҳияи Ашт корҳои ободониву созандагӣ идома доранд
Намояндагони баландпояи Бонки ҷаҳонӣ бо мукофотҳои давлатии Ҷумҳурии Тоҷикистон сарфароз гардиданд
Дар Екатеринбург 35-солагии Истиқлоли давлатии Тоҷикистонро таҷлил намуданд
Сарвари давлат Эмомалӣ Раҳмон дар шаҳри Хуҷанд аз чойхонаи Сирдарё дидан намуданд
Пешвои миллат Эмомалӣ Раҳмон дар шаҳри Хуҷанд якчанд иншооти нави истеҳсоливу иҷтимоиро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд муассисаи томактабии «Хуршеди Истиқлол»-ро ба истифода доданд
Сарвари давлат Эмомалӣ Раҳмон дар шаҳри Хуҷанд муассисаи таҳсилоти миёнаи умумии №26-и «Нури Раҳмон»-ро ба истифода доданд
Пешвои миллат Эмомалӣ Раҳмон дар шаҳри Хуҷанд Муассисаи давлатии «Маркази дастгирии оила ва кӯдак»-ро ифтитоҳ намуданд
Бахшида ба 35-солагии Истиқлолияти давлатии Тоҷикистон шумораи махсуси маҷаллаи «ECO Heritage» ба нашр расид
