35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
ДУШАНБЕ, 10.08.2026 /АМИТ «Ховар»/. Дар арафаи ҷашни 35-солагии Истиқлоли давлатӣ дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Зеристгоҳ аз ҷониби Ҷамъияти саҳомии кушодаи «Шабакаҳои интиқоли барқ» бо мақсади таъмини боэътимоди аҳолӣ ва соҳаҳои иҷтимоию иқтисодии ноҳияи Мир Сайид Алии Ҳамадонӣ бо неруи барқ бунёд гардидааст.
Дар доираи татбиқи лоиҳаи мазкур барои пайваст намудани зеристгоҳ ба низоми ягонаи энергетикии ҷумҳурӣ хати интиқоли барқи 110 кВ ба дарозии 14,5 километр аз зеристгоҳи барқии 110/35/6 кВ «Кӯлобдарё» (ноҳияи Восеъ) кашида шуд.
Дар айни замон сохтмон ва насби таҷҳизоти асосию ёрирасон пурра ба анҷом расида, санҷиш ва озмоиши таҷҳизоти барқӣ муваффақона анҷом дода шудааст.
Тибқи нақша, зеристгоҳи нави барқӣ дар арафаи ҷашни 35-солагии Истиқлоли давлатии Ҷумҳурии Тоҷикистон мавриди истифода қарор дода мешавад. Ба истифода додани ин иншооти муҳими энергетикӣ имкон фароҳам меорад, ки сарбории зеристгоҳҳои амалкунандаи ноҳия коҳиш ёфта, эътимоднокӣ ва сифати таъминоти неруи барқ барои аҳолӣ, муассисаҳои иҷтимоӣ, иншооти муҳими давлатӣ ва субъектҳои хоҷагидорӣ ба таври назаррас беҳтар гардад.
Ҳамзамон бо мавриди истифода қарор гирифтани зеристгоҳи нав иқтидори шабакаҳои барқии минтақа афзоиш ёфта, устуворӣ ва боэътимодии фаъолияти низоми энергетикӣ таъмин мегардад. Бо ин барои рушди минбаъдаи иҷтимоию иқтисодии ноҳияи Мир Сайид Алии Ҳамадонӣ заминаи мусоид фароҳам оварда мешавад.
АКС аз бойгонӣ
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
Исломиддин Раҳмон: «Яке аз вазифаҳои олии стандартизатсия ҳифзи ҳаёт ва саломатии инсон мебошад»
Тоҷикистон ва Ҷопон бунёди пули нав аз болои дарёи Кофарниҳонро баррасӣ намуданд
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
