35-СОЛАГИИ ИСТИҚЛОЛИ ДАВЛАТӢ. Дар шаҳри Кӯлоб сохтмони иншооти ҷашнӣ марҳила ба марҳила идома дорад
ДУШАНБЕ, 11.08.2026 /АМИТ «Ховар»/. Бахшида ба ҷашни 35-солагии Истиқлоли давлатӣ дар шаҳри Кӯлоб корҳои созандагӣ вусъати тоза гирифтаанд. Дар деҳаи Пахтакори шаҳр мумфаршкунии беш аз 6 километр роҳи дорои аҳамияти маҳаллӣ идома дорад.
Тавре ба АМИТ «Ховар» аз хадамоти матбуоти Раиси вилояти Хатлон иттилоъ доданд, дар шаҳр бунёду навсозии 494 иншооти таъйиноти гуногун ба нақша гирифта шуда, қисми зиёди иншоот ба истифода дода шудааст. Бо назардошти иқдомҳои нав ва ташаббусҳои созандагии сокинон ва соҳибкорон бунёди боз 30 иншооти дигар ба нақша ворид гардид.
Дар иншооти ҷашнӣ корҳои сохтмонӣ, таъмиру навсозӣ ва ободонӣ дар самтҳои гуногун идома дошта, масъулон кӯшиш доранд, ки сохтмони иншооти пешбинишударо дар муҳлати муайянгардида ва бо сифати баланд ба анҷом расонанд.
Мумфаршкунии роҳи дорои аҳамияти маҳаллии шаҳр ба масофаи беш аз 6 километр идома дорад. Татбиқи ин иқдом барои беҳтар намудани ҳолати роҳ, осон гардидани рафтуомади сокинон ва рушди инфрасохтори маҳаллӣ аҳамияти муҳим дорад.
Мумфаршкунии роҳи деҳа бо ташаббуси сокинон ва соҳибкорони ватандӯсти маҳаллӣ амалӣ гардида, намунаи равшани саҳми ҷомеа дар ободониву созандагӣ мебошад. Роҳҳои маҳаллӣ яке аз бахшҳои муҳими инфрасохтор ба шумор рафта, беҳтар намудани ҳолати онҳо барои рушди иқтисодию иҷтимоии маҳал, дастрасии сокинон ба хизматрасониҳо ва фароҳам овардани шароити мусоиди зиндагӣ заминаи муносиб фароҳам меорад.
Дар баробари мумфаршкунии роҳ сокинони деҳаи Пахтакор ва соҳибкорони маҳаллӣ тасмим гирифтаанд, ки бо истифода аз имконияти мавҷуда дигар инфрасохтори зарурии деҳаро бунёд ва навсозӣ намоянд. Ин иқдом метавонад ба боз ҳам беҳтар гардидани шароити зиндагии сокинон ва рушди минбаъдаи деҳа мусоидат намояд.
Таҷлили 35-солагии Истиқлолияти давлатии Ҷумҳурии Тоҷикистон барои ҳар сокини мамлакат рӯйдоди муҳим ба ҳисоб рафта, истиқболи шоистаи он бояд дар корҳои созандагиву бунёдкорӣ ва дастовардҳои назаррас таҷассум ёбад.
Дар шаҳри Кӯлоб ҳамзамон ба масъалаи ободонии атрофи иншоот, сабзазоркунӣ, ниҳолшинонӣ, таъмини тозагӣ, равшаннамоӣ ва нигоҳдории минбаъдаи мавзеъҳои ободшуда таваҷҷуҳи махсус зоҳир мегардад. Ҳар иншооти бунёдшаванда бояд ба талаботи замони муосир ҷавобгӯ буда, аз ҷиҳати меъморӣ ва сифати сохтмон ба талаботи муқарраршуда ҷавобгӯ бошад ва ба беҳтар намудани сатҳи хизматрасонӣ ва зиндагии сокинон мусоидат намояд.
АКС: Хадамоти матбуоти Раиси вилояти Хатлон
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
