35-СОЛАГИИ ИСТИҚЛОЛИ ДАВЛАТӢ. Кинотеатри «Ватан» навсозӣ ва бо технологияи муосири намоиши филмҳо муҷаҳҳаз гардонида шуд
ДУШАНБЕ, 30.08.2026 /АМИТ «Ховар»/. Бахшида ба ҷашни 35-солагии Истиқлолияти давлатӣ кинотеатри «Ватан» пурра навсозӣ ва бо техникаи муосир муҷаҳҳаз гардонида шуд. Дар ин хусус ба АМИТ «Ховар» аз Муассисаи давлатии «Тоҷикфилм» хабар доданд.
Иттилоъ дода шуд, ки нахустин маротиба дар Тоҷикистон толори кино бо таҷҳизоти муосир ва технологияҳои сатҳи ҷаҳонӣ ба истифода омода гардид. Ин толор барои баргузории нахустнамоиши филмҳои миллӣ ва байналмилалӣ, фестивалҳо, форумҳо ва рӯзҳои кинои кишварҳои хориҷӣ имконияти нав фароҳам меорад.
Филмҳо дар экрани касбии калон бо андозаи 10,3 ба 5,7 метр намоиш дода мешаванд. Барои роҳати тамошобинон 250 курсии нави кинотеатри модели Xinxi-1 насб карда шудааст. Барои шахсони маъюб низ ҷойҳои махсус пешбинӣ шудаанд.
Толори нав бо дастгоҳи лазерии рақамии намоиши филм ва сервери муосир муҷаҳҳаз гардида, барои таъмини садои босифат ва фарогир низоми касбии садобарорӣ- 23 баландгӯяк насб карда шудааст.
Инчунин толор бо интернети баландсуръат, шабакаи дохилии рақамӣ, низоми муосири назорати видеои IP, таҷҳизоти нави чиптафурӯшӣ, низоми эҳтиётии барқ, равшанидиҳӣ ва саҳнаву парда пурра навсозӣ карда шудааст.
Ба истифода додани толори нави кинои «Ватан» қадами муҳим дар рушди инфрасохтори кинематографии Тоҷикистон ба ҳисоб рафта, барои муаррифии синамои миллӣ ва баргузор намудани чорабиниҳои байналмилалии кино дар сатҳи баланд заминаи муносиб фароҳам месозад.
АКС: Муассисаи давлатии «Тоҷикфилм»
Дар ноҳияи Абдураҳмони Ҷомӣ тадбирҳои созандагӣ ва ободонӣ амалӣ гардонида мешаванд
ДАР ПАЙРАВӢ БА ИҚДОМИ ПЕШВОИ МИЛЛАТ. Дар ноҳияи Рӯдакӣ барои кӯдакону наврасони ятим ҳамоиши идона доир гардид
Дар ноҳияи Восеъ мумфаршкунии роҳҳо вусъати тоза меёбад
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои иловагии Беморхонаи клиникии кӯдаконаи вилояти Суғдро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров гимназияи хусусии «Ҳаёт»-ро ба истифода доданд
Пешвои миллат Эмомалӣ Раҳмон 11 иншооти таъйиноти гуногунро дар ноҳияҳои Бобоҷон Ғафуров ва Спитамен ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Даври сеюми Озмуни ҷумҳуриявии «Тоҷикистон — Ватани азизи ман» моҳи октябр баргузор мешавад
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти коргоҳи истеҳсолии равғани ҶДММ «Анқо-инвест» оғоз бахшиданд
Дар Женева 35-солагии Истиқлолияти давлатии Тоҷикистонро бо тантана ҷашн гирифт
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Китоби тозанашри «Коллексияи Пешвои миллат дар Осорхонаи миллӣ» муаррифӣ карда шуд
