35-СОЛАГИИ ИСТИҚЛОЛИ ТОҶИКИСТОН. Бахшида ба он дар шаҳри Толятии Федератсияи Русия чорабинии фарҳангӣ доир шуд
ДУШАНБЕ, 10.08.2026 /АМИТ «Ховар»/. Дар доираи таҷлили сазовори 35-солагии Истиқлоли давлатии Ҷумҳурии Тоҷикистон дар шаҳри Толятии Федератсияи Русия бо иштироки тоҷикони муқими ин шаҳр чорабинии фарҳангиву маърифатӣ баргузор гардид, иттилоъ медиҳад мухбири АМИТ «Ховар».
Иброз гардид, ки дар замони ҷаҳонишавӣ ва бархӯрди фарҳангу тамаддунҳо ҳифзи ҳувияти миллӣ, эҳтиром ба арзишҳои фарҳангӣ ва таҳкими ватандӯстию худшиносӣ барои ҳар фарди ҷомеа аҳамияти махсус касб мекунад. Маҳз донишандӯзӣ, омӯзиши таърих ва арҷгузорӣ ба мероси пурғановати миллӣ заминаи устувори рушди ҷомеаи муосир ва тарбияи насли худогоҳу масъулиятшинос ба ҳисоб меравад.
Зимни ҳамоиш иштирокчиён аз дастовардҳои назарраси Тоҷикистони соҳибистиқлол, пешрафту ободкориҳои солҳои охир ва нақши истиқлоли давлатӣ дар таҳкими пояҳои давлатдорӣ ёдовар шуданд. Таъкид гардид, ки имрӯз тоҷикони бурунмарзӣ ҳамчун пайвандгари фарҳангу тамаддуни миллӣ дар муаррифии таъриху фарҳанги тоҷикон ва таҳкими дӯстии байни халқҳо саҳми арзанда мегузоранд.
Гуфта шуд, ки ҳамватанони муқими шаҳри Толяти бо рамзи эҳтиром ба суннатҳои миллӣ ва ҳифзи арзишҳои фарҳангӣ дар баробари фаъолияти меҳнатӣ дар корҳои ободонӣ ва ташаббусҳои созанда дар Тоҷикистон низ иштироки фаъолона доранд.
Маҳз ваҳдату ҳамдигарфаҳмӣ ва ҳисси баланди ватандӯстӣ боис гардидааст, ки онҳо дар кишвари иқомат низ ҷойгоҳи муносиб касб намуда, дар таҳкими робитаҳои дӯстона байни мардумон саҳм мегузоранд.
АКС: АМИТ «Ховар»
Дар ноҳияи Абдураҳмони Ҷомӣ тадбирҳои созандагӣ ва ободонӣ амалӣ гардонида мешаванд
ДАР ПАЙРАВӢ БА ИҚДОМИ ПЕШВОИ МИЛЛАТ. Дар ноҳияи Рӯдакӣ барои кӯдакону наврасони ятим ҳамоиши идона доир гардид
Дар ноҳияи Восеъ мумфаршкунии роҳҳо вусъати тоза меёбад
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои иловагии Беморхонаи клиникии кӯдаконаи вилояти Суғдро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров гимназияи хусусии «Ҳаёт»-ро ба истифода доданд
Пешвои миллат Эмомалӣ Раҳмон 11 иншооти таъйиноти гуногунро дар ноҳияҳои Бобоҷон Ғафуров ва Спитамен ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти коргоҳи истеҳсолии равғани ҶДММ «Анқо-инвест» оғоз бахшиданд
Дар Женева 35-солагии Истиқлолияти давлатии Тоҷикистонро бо тантана ҷашн гирифт
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Китоби тозанашри «Коллексияи Пешвои миллат дар Осорхонаи миллӣ» муаррифӣ карда шуд
Дар Анқара ба муносибати 35-солагии Истиқлоли давлатии Тоҷикистон чорабинии тантанавӣ доир гардид
