Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
ДУШАНБЕ, 08.08.2026 /АМИТ «Ховар»/. Ҳаҷми умумии маблағгузории сармоя дар ноҳия ба 337 миллиону 279 ҳазор сомонӣ расида, қисми даромади буҷети маҳаллӣ 103 фоиз иҷро гардид. Дар ин хусус 7 август зимни нишасти матбуотӣ Раиси ноҳияи Хуросон Носир Суризода ба хабарнигорон хабар дод.
Иттилоъ дода шуд, ки дар нимсолаи якуми соли 2026 корҳо барои рушди соҳаҳои иқтисодиёт, кишоварзӣ ва ободонӣ бо натиҷаҳои назаррас анҷом дода шудаанд.
Дар нишасти матбуотӣ иттилоъ дода шуд, ки “Барномаи рушди иҷтимоию иқтисодии ноҳия барои солҳои 2026-2030”, ки аз 101 лоиҳа ба маблағи 240 миллиону 143 ҳазор сомонӣ иборат аст, тасдиқ ва мавриди амал қарор дода шудааст.
Тибқи иттилоъ, ҳаҷми умумии маҳсулоти кишоварзӣ 106,9 фоиз нисбат ба ҳамин давраи соли 2025 афзуда, 35 миллиону 926 ҳазор сомониро ташкил дод. Ҳамчунин 1260,8 тонна ҳосили ғалладона ҷамъоварӣ гардид, ки 74,2 фоиз нисбат ба нақша зиёд аст.
Содироти маҳсулот дар ин давра ба 43 миллиону 598 ҳазор сомонӣ расид, ки нисбат ба соли 2025 10 миллиону 506 ҳазор сомонӣ зиёд аст.
Дар доираи омодагӣ ба ҷашни 35-солагии Истиқлоли давлатӣ дар ноҳия 239 иншоот ба нақша гирифта шуда,
мавриди истифода қарор дода шуданд.
Бо ҷалби сармояи соҳибкорон 1 иншооти соҳа, 5 синфхонаи иловагӣ бо 120 ҷойи нишаст ва иншооти дигар ба истифода дода шуданд. Ҳамчунин сохтмони 117 синфхонаи иловагӣ барои 2822 ҷойи нишаст идома дорад.
Таъкид карда шуд, ки дар нимсолаи дуюми соли 2026 таваҷҷуҳ ба иҷрои пурраи Барномаи рушд, баланд бардоштани ҳосилнокии кишоварзӣ ва беҳтар намудани шароити зиндагии аҳолӣ равона карда мешавад.
Мунира РАСУЛЗОДА,
АМИТ «Ховар»
АКС: АМИТ «Ховар»
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
