Ҷаласаи 21-уми Кумитаи ҳамоҳангсоз оид ба содагардонии расмиёти савдо доир шуд

ДУШАНБЕ, 07.08.2026 /АМИТ «Ховар»/. Имрӯз дар Вазорати рушди иқтисод ва савдои Ҷумҳурии Тоҷикистон  ҷаласаи 21-уми Кумитаи ҳамоҳангсоз оид ба содагардонии расмиёти савдо баргузор гардид. Дар ин хусус ба АМИТ «Ховар» аз ин вазорат хабар доданд.

Дар ҷаласа масъалаҳо вобаста ба мукаммалсозии Портали савдои Тоҷикистон, лоиҳаи қарори Ҳукумати Ҷумҳурии Тоҷикистон «Дар бораи Расмиёт ва шартҳои татбиқи чораҳои махсуси савдо ва тартиби ташаббус ва гузаронидани таҳқиқот», инчунин таҳияи лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Қонуни Ҷумҳурии Тоҷикистон» «Дар бораи кооперативҳо» баррасӣ гардиданд.

Гуфта шуд, ки дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар мамлакат дар самти содагардонии расмиёти савдо корҳои назаррас иҷро гардидаанд. Вазорату идораҳо якҷо бо бахши хусусӣ ва шарикони рушд мунтазам дар доираи кумита тадбирҳои амалӣ меандешанд.

Дар идомаи ҷаласа байни намояндагони мақомоти давлатӣ ва бахши хусусӣ муколамаи озод баргузор гардид, ки зимни он масъалаҳои марбут ба татбиқи ҳуҷҷатҳои стратегӣ ва таъмини рушди устувори иқтисодии мамлакат баррасӣ шуданд.

АКС: Вазорати рушди иқтисод ва савдои Ҷумҳурии Тоҷикистон