Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
ДУШАНБЕ, 04.08.2026 /АМИТ «Ховар»/. Дар доираи сиёсати байналмилаликунонии таҳсилот ва рушди ҳамкории байналмилалӣ ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода бо намояндагони муассисаҳои таълимӣ ва ташкилоти Ҷопону Чин дар ҳайати раиси Ассотсиатсияи умумимиллии иқтисодӣ ва ҳамкории Ҷопон Чжан Юншэн, президенти Корпоратсияи таълимии Донишкадаи фарҳанг ва санъати Ҷопону Чин доктор Ҳан Эйҳоу, ректори Коллеҷи сайёҳӣ ва фарҳанги Коясан ва намояндаи хориҷии Ассотсиатсияи роҳбарони муассисаҳои таълими забони ҷопонӣ Ин Ҳунъян мулоқот намуд, ки зимни он масъалаҳои марбут ба тавсеаи ҳамкорӣ баррасӣ гардиданд.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ меиҳад, ки дар мулоқот ҷонибҳо масъалаҳои густариши ҳамкории байналмилалӣ, ташкили барномаҳои табодули академии донишҷӯён ва омӯзгорони ҷонибҳо, татбиқи барномаҳои муштараки таълимӣ ва илмӣ, ташкили даврҳои омӯзишии кӯтоҳмуддат ва такмили ихтисос, ҷалби донишҷӯёни хориҷӣ, инчунин рушди ҳамкорӣ дар самтҳои сайёҳӣ, дипломатия ва забонҳои хориҷиро мавриди муҳокима қарор доданд.
Ҳамзамон масъалаҳои таҳияи санадҳои нави ҳамкорӣ байни донишгоҳ ва муассисаҳои таълимии Ҷопону Чин, ташкили чорабиниҳои муштараки байналмилалӣ ва густариши табодули таҷрибаи илмӣ ва академӣ баррасӣ гардиданд.
Дар анҷом ҷонибҳо барои рушди минбаъдаи ҳамкории мутақобили судманд ибрози омодагӣ намуданд. Таъкид гардид, ки татбиқи ташаббусҳои муштарак метавонад барои баланд бардоштани сатҳи байналмилалии Донишгоҳи байналмилалии сайёҳӣ ва соҳибкории Тоҷикистон ва рушди робитаҳои илмиву таълимӣ бо муассисаҳои пешрафтаи Ҷопону Чин заминаи мусоид фароҳам оварад.
АКС: Донишгоҳи байналмилалии сайёҳӣ ва соҳибкории Тоҷикистон
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
«Фестивали тобистонаи Душанбе – 2026» бо барномаи бошукуҳи фарҳангию фароғатӣ ҷамъбаст гардид
«ФЕСТИВАЛИ ТОБИСТОНАИ ДУШАНБЕ-2026»: Пойтахти Тоҷикистон ба муносибати 35-солагии Истиқлоли давлатӣ мизбони ҷашни фарҳангиву фароғатӣ гардид
Дар Хатлон 37 хатмкунанда соҳиби аттестати аълои универсалӣ ва равиявӣ гардид
ИСТИҚЛОЛИЯТ ВА РУШДИ СОҲАИ САЙЁҲӢ. Бадахшон ба яке аз маконҳои муҳими сайёҳии кӯҳӣ, экологӣ ва табобатӣ табдил ёфтааст
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
