Ҳамкории муассисаҳои илмӣ-таҳқиқотии Тоҷикистон ва Туркманистон густариш меёбад

Август 27, 2026 11:35

ДУШАНБЕ, 27.08.2026 /АМИТ «Ховар»/. Масъалаҳои густариши ҳамкорӣ байни муассисаҳои илмӣ-таҳқиқотӣ, марказҳои таҳлилӣ ва ҷомеаи коршиносии Тоҷикистон ва Туркманистон 26 август дар вохӯрии директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода бо Сафири Фавқулода ва Мухтори Туркманистон дар Ҷумҳурии Тоҷикистон Аймират Кочмурадов баррасӣ гардиданд.

Тавре ба АМИТ «Ховар» аз ин марказ хабар доданд, ҷонибҳо зимни вохӯрӣ доир ба дурнамои татбиқи таҳқиқоти муштараки илмӣ, таҳияи маводи таҳлилӣ, баргузории конференсияҳои илмӣ ва ҳамоишҳо табодули назар намуданд.

Иброз гардид, ки ҳамкории илмӣ яке аз самтҳои муҳими ҳамкории гуманитарӣ ба шумор рафта, барои табодули таҷриба, дониш ва натиҷаҳои таҳқиқот имконияти иловагӣ фароҳам меорад.

Инчунин оид ба зарурати фаъол намудани робитаҳо байни мутахассисон ва муҳаққиқоне, ки ба масъалаҳои муносибатҳои байналмилалӣ, рушди минтақавӣ, иқтисодиёт, амният ва дигар самтҳои мубрами рӯз машғул мебошанд, ибрози назар карда шуд. Гуфта шуд, ки табодули мунтазами арзёбиҳои коршиносӣ ва дастовардҳои илмӣ метавонад ба дарки амиқтари равандҳои дар минтақа ва арсаи байналмилалӣ ҷараёндошта мусоидат намояд.

Тоҷикистон ва Туркманистон дорои имконоти назарраси ҳамкорӣ буда, ба густариши ҳамкорӣ бар асоси эҳтироми ҳамдигар, баробарӣ ва манфиатҳои мутақобил ҳавасманд мебошанд.

АКС: Маркази тадқиқоти стратегии назди Президенти Ҷумҳурии Тоҷикистон

Август 27, 2026 11:35

Хабарҳои дигари ин бахш

Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати  Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ