Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
ДУШАНБЕ, 19.08.2026 /АМИТ «Ховар»/. Имрӯз дар Вазорати корҳои дохилии Ҷумҳурии Тоҷикистон бахшида ба 35-солагии Истиқлоли давлатии Ҷумҳурии Тоҷикистон таҳти унвони «Ваҳдату Истиқлоли мамлакат – асоси пойдории давлат» бо иштироки кормандзанони мақомоти корҳои дохилӣ ҳамоиши идона баргузор гардид. Дар ин хусус ба АМИТ «Ховар» аз ин вазорат хабар доданд.
Иброз гардид, ки маҳз дар даврони соҳибистиқлолӣ бо роҳбарии хирадмандонаи Президенти Ҷумҳурии Тоҷикистон муҳтарам Эмомалӣ Раҳмон мақому мавқеи зан дар ҷомеа ба таври назаррас боло рафта, барои иштироки фаъоли занон дар ҳаёти сиёсӣ, иқтисодӣ, иҷтимоӣ ва фарҳангии мамлакат шароити мусоид фароҳам оварда шудааст.
Иштирокчиён саҳми Пешвои миллат муҳтарам Эмомалӣ Раҳмонро дар барқарорсозии сулҳу суботи ҷомеа, таҳкими Ваҳдати миллӣ ва рушди Тоҷикистони соҳибистиқлол муҳим арзёбӣ намуданд. Ҳамзамон доир ба дастовардҳои даврони Истиқлоли давлатӣ, рушди соҳаҳои гуногуни ҳаёти ҷомеа ва нақши занон дар сиёсати давлатдорӣ сухан гуфта шуд.
Таъкид гардид, ки арҷгузорӣ ба арзишҳои миллӣ, ҳифзи сулҳу субот ва таҳкими Истиқлоли давлатӣ омилҳои муҳими пешрафти давлат ва ҷомеа ба ҳисоб мераванд.
Дар идомаи ҳамоиш дар мавзуи «Таҳкими мақоми зан дар заминаи Истиқлоли давлат» ва «Мавқеи Истиқлоли давлатӣ дар таҳкими мақоми зан дар ҷомеа» маъруза пешниҳод гардида, оид ба дастгирии давлатии занон, фароҳам овардани имконияти баробар барои иштироки онҳо дар ҳаёти ҷомеа ва нақши занон дар рушди мамлакат табодули афкор доир шуд.
АКС: Вазорати корҳои дохилии Ҷумҳурии Тоҷикистон
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
Дар ноҳияи Абдураҳмони Ҷомӣ мумфаршкунии роҳҳо вусъати тоза мегирад
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
Дар Китобхонаи миллии Тоҷикистон оид ба рушди фаъолияти китобдорӣ дар даврони соҳибистиқлолӣ ҳамоиш баргузор гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Эсанбойи ноҳияи Рӯдакӣ роҳпаймоӣ доир гардид
35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Ҳиҷбораки Рашт маркази саломатии деҳот ба истифода дода шуд
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик дар доираи ҷаҳони бисёрқутба ҳамоиш доир мешавад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
