Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
ДУШАНБЕ, 27.08.2026 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон бо мақсади таҳкими ҳамкории судманд ва тавсеаи шарикӣ дар самтҳои идоракунии муносиб, муқовимат ба коррупсия ва пешгирии зуроварӣ дар оила маросими имзои нақшаи чорабиниҳои муштараки солона бо Дафтари барномаҳои Созмони амният ва ҳамкорӣ дар Аврупо дар Душанбе баргузор гардид. Дар ин хусус ба АМИТ «Ховар» аз Академияи идоракунии давлатӣ хабар доданд.
Нақша аз ҷониби ректори Академияи идоракунии давлатии назди Президенти Ҷумҳурии Тоҷикистон Даврон Сафарзода ва иҷрокунандаи вазифаи роҳбари Дафтари барномаҳои Созмони амният ва ҳамкорӣ дар Аврупо дар Душанбе Татяна Тсуркан ба имзо расид.
Нақша фарогири маҷмуи чорабиниҳои муштарак буда, ба рушди иқтидори касбии хизматчиёни давлатӣ, баланд бардоштани сатҳи маърифати ҳуқуқӣ, пешгирии омилҳои коррупсионӣ ва таҳкими малакаҳои зарурӣ дар самти пешгирии зӯроварӣ дар оила равона шудааст. Дар доираи он баргузории чорабиниҳои омӯзишӣ, таҳияи модули таълимӣ, воситаҳои таълимӣ-методӣ бо ҷалби коршиносон, омӯзиши таҷрибаи муосир ва ташкили даврҳои омӯзишӣ барои хизматчиёни давлатӣ пешбинӣ гардидааст.
Ҷонибҳо иброз намуданд, ки татбиқи нақшаҳои муштарак ба таҳкими ҳамкории минбаъда, баланд бардоштани фаъолияти босамар байни Академия ва Дафтари барномаҳои Созмони амният ва ҳамкорӣ дар Аврупо мусоидат хоҳад кард. Мусоҳибон ҳамчунин барои идомаи ҳамкорӣ ва татбиқи чорабиниҳои пешбинишуда изҳори омодагӣ намуданд.
АКС: Академияи идоракунии давлатии назди Президенти Ҷумҳурии Тоҷикистон
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
Тоҷикистон натиҷаҳои аввалини PISA 2025-ро муаррифӣ мекунад
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
