Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
ДУШАНБЕ, 28.08.2026 /АМИТ «Ховар»/. Тавре қаблан иттилоъ додем, аз 25 то 27 август дар Тоҷикистон Рӯзҳои тибби Ҷумҳурии Қазоқистон доир гардиданд, ки дар доираи он вохӯрӣ ва табодули таҷриба байни табибони ду мамлакат доир шуд. Инчунин се Ёддошти тафоҳум байни муассисаҳои соҳавии Тоҷикистон ва Қазоқистон ба имзо расид.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, 27 август дар Душанбе Форуми «Тоҷикистон-Қазоқистон: ҳамкорӣ дар соҳаи тандурустӣ, технологияҳо ва кадрҳо» доир шуд.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иброз намуд, ки Рӯзҳои тибби Қазоқистон дар Тоҷикистон дар партави сиёсати созандаи Сарони ду давлат бо мақсади боз ҳам мустаҳкам намудани риштаҳои дӯстӣ ва тақвияти ҳамкории дуҷониба дар соҳаи тандурустӣ баргузор гардиданд.
Дар форум масъалаҳои «Рушди тандурустӣ: равишҳои муосир, инноватсияҳо ва дурнамои ҳамкорӣ» ва «Ҷарроҳии баландтехнологӣ: инноватсия, ҳамкорӣ ва интиқоли дониш байни Қазоқистон ва Тоҷикистон» мавриди баррасӣ қарор дода шуданд.
Рӯзҳои тибби Ҷумҳурии Қазоқистон дар Ҷумҳурии Тоҷикистон барои рушди минбаъдаи ҳамкории ду давлат дар соҳаи тандурустӣ заминаи мусоид фароҳам оварда, ба боз ҳам баланд бардоштани савияи донишу малакаи касбӣ ва ворид намудани усулҳои нави ташхису табобат дар соҳаи тибби мамлакат мусоидат хоҳад кард.
Ёдовар мешавем, ки дар доираи Рӯзҳои тибби Ҷумҳурии Қазоқистон дар Ҷумҳурии Тоҷикистон мутахассисони ин давлат аз якчанд муассисаи тандурустии ҷумҳуриявӣ дидан намуда, бо ҳамтоёни тоҷики хеш табодули таҷриба намуданд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
