Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
ДУШАНБЕ, 06.08.2026 /АМИТ «Ховар»/. Дар Бонки миллии Тоҷикистон бо иштироки роҳбарон ва намояндагони вазорату идораҳои иқтисодии мамлакат барои довталабон ва шахсони масъули рушди захираҳои инсонӣ дар низоми бонкии мамлакат оид ба Барномаи муштараки стипендиявии Ҷопон ва Бонки ҷаҳонӣ оид ба таҳсилоти баъдидипломӣ /JISPA/ ҳамоиши иттилоотӣ баргузор гардид. Дар ин хусус ба АМИТ «Ховар» аз Бонки миллии Тоҷикистон иттилоъ доданд.
Зимни ҳамоиш ба иштирокдорон оид ба Барномаи муштараки стипендиявии Ҷопон ва Бонки ҷаҳонӣ оид ба таҳсилоти баъдидипломӣ, аз ҷумла ҳадафу самтҳои асосии он, талаботи барнома нисбат ба довталабон ва тартиби пешниҳоди ҳуҷҷатҳои дархостӣ маълумоти муфассал пешниҳод гардид.
Ҳамзамон иштирокдорон имкон пайдо намуданд, ки оид ба раванди иштирок дар барнома, талаботи қабули ҳуҷҷатҳо ва дигар масъалаҳои мавриди таваҷҷуҳ ба саволҳои худ ҷавоби зарурӣ гиранд. Барномаи JISPA ба рушди иқтидори касбии мутахассисон ва омода намудани кадрҳои баландихтисос дар соҳаҳои иқтисод, молия ва сиёсати давлатӣ равона гардида, барои такмили дониш ва малакаҳои касбии мутахассисони кишвар имконияти таҳсилоти баъдидипломиро фароҳам меорад.
Дар ҳамоиш инчунин директори минтақавии Хазинаи байналмилалии асъор барои Осиё ва Уқёнуси Ором — Такаши Нагаока, мудири Барномаи муштараки стипендиявии Ҷопон ва Бонки ҷаҳонӣ оид ба таҳсилоти баъдидипломӣ (JISPA) Сайка Кин ва муовини Раиси Бонки миллии Тоҷикистон Гулбаҳор Назирӣ иштирок намуданд.
АКС: Бонки миллии Тоҷикистон
Имрӯз дар шаҳри Душанбе ҳаво то 33 дараҷа гарм мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
