Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
ДУШАНБЕ, 13.08.2026 /АМИТ «Ховар»/. Бонки миллии Тоҷикистон аз паҳн гардидани боз як навъи қаллобӣ ҳушдор медиҳад. Гуфта мешавад, ки дар шабакаҳои иҷтимоӣ ва паёмрасонҳо эълонҳои бардурӯғ оид ба мусоидат ба гирифтани қарзҳои имтиёзнок паҳн гардида истодаанд. Аз ҷумла, барои фиреб додани шаҳрвандон қаллобон аз ҳуҷҷатҳои қалбакӣ, логотип ва унсурҳои сохтаи расмӣ, фикру мулоҳизаҳои бардурӯғ ва ботҳои сохта истифода мебаранд.
Дар иртибот ба ин Бонки миллии Тоҷикистон аз шаҳрвандон даъват менамояд, ки ба чунин эълонҳо ва паёмакҳо бовар накунанд. Бахусус, ба шахсони ношинос ҳеҷ гоҳ маблағ интиқол надиҳанд ва маълумотро танҳо аз манбаъҳои расмӣ дастрас намоянд.
Хотиррасон мекунем, ки Бонки миллии Тоҷикистон ба шахсони воқеӣ хизмати бонкӣ намерасонад, ба аҳолӣ қарз намедиҳад, барои интиқоли маблағ аз шаҳрвандон дархост намекунад, тавассути паёмрасонҳо ҳуҷҷатҳои расмӣ ё шаҳодатномаи кормандонро ирсол намекунад.
Бонки миллии Тоҷикистон таъкид менамояд, ки «агар пай бурдед, ки фирефтаи қаллобон шудаед, фавран корти бонкиятонро маҳкам намоед, ба ташкилоти қарзии молиявии хизматрасон муроҷиат кунед ва ба мақомоти ҳифзи ҳуқуқ хабар диҳед».
АКС: Бонки миллии Тоҷикистон
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
