Дар Бадахшон 1300 километр роҳ дорои аҳаммияти байналмилалӣ мебошад
ДУШАНБЕ, 24.08.2026 /АМИТ «Ховар»/. Дар Вилояти Мухтори Кӯҳистони Бадахшон 1300 километр роҳҳо аҳаммияти байналмилалӣ дошта, Тоҷикистонро бо се давлати ҳамсоя мепайванданд. Дар ин хусус ба АМИТ «Ховар» сардори Сарраёсати Агентии омори назди Президенти Ҷумҳурии Тоҷикистон дар Вилояти Мухтори Кӯҳистони Бадахшон Хушқадам Одинекзода иттилоъ дод.
Яке аз ҳадафҳои стратегии мамлакат ин аз бунбасти коммуникатсионӣ баромада, ба давлати транзитӣ табдил ёфтани Ҷумҳурии Тоҷикистон мебошад. Ин ҳадаф тавассути таҷдиди роҳҳои автомобилгард ва сохтмони нақбу пулҳо амалӣ мегардад.
Ҳамчунин саҳми назарраси давлат дар рушди иқтидори нақлиётӣ-логистикии вилоят низ назаррас аст. Соли 2025 ҳаҷми боркашонӣ 1 380,3 ҳазор тоннаро ташкил дод, ки нисбат ба соли 2020 (412,4) 3,3 маротиба зиёд мебошад. Инчунин ҳаҷми мусофиркашонӣ ба 18 миллиону 660 ҳазор мусофир расидааст, ки 2,9 маротиба нисбат ба соли 2020 зиёд аст.
Барои амалӣ намудани ин ҳадафи стратегӣ дар доираи лоиҳаи сармоягузории давлатӣ дар ҳудуди вилоят сохтмони роҳи Қалъаихумб – Ванҷ – дарвозаи Рӯшон идома дошта, сохтмони пули мошингузар аз болои дарёи Ғунд дар мавзеи Селхозтехникаи шаҳри Хоруғ ба масофаи 200 метр бо арзиши 104796,0 ҳазор сомонӣ ба анҷом расонида шуд. Моҳи июни соли 2025 бо иштироки Президенти Ҷумҳурии Тоҷикистон муҳтарам Эмомалӣ Раҳмон роҳи автомобилгарди 3,4-километраи мавзеи Барсеми ноҳияи Шуғнон бо долонҳои зиддитармавӣ ба масофаи 550 метр ва 1 пули мошингузар бо масофаи 82 метр ба таври маҷозӣ мавриди истифода қарор дода шуданд.
Солҳои аввали соҳибистиқлолии мамлакат сокинони вилоят то шаҳри Душанбе дар 4 шабонарӯз мерасиданд, имрӯз ин масофаи роҳ дар муддати 8-10 соат тай карда мешавад.
Беҳтар гардидани ҳолати роҳҳои автомобилгард дар вилоят боиси таъмини эҳтиёҷоти шаҳрвандон ба хизматрасониҳои нақлиётӣ ва дастрасии ҳамаҷонибаи онҳо гардид. Он инчунин барои таъмини шароити бехатари интиқол додани бору мусофирон, ҳифзи ҳаёт ва саломатии шаҳрвандон заминаи мусоид фароҳам овардааст.
АКС аз бойгонӣ
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
