Дар Душанбе Донишгоҳи байналмилалии минтақавии тандурустӣ таъсис дода мешавад
ДУШАНБЕ, 21.08.2026 /АМИТ «Ховар»/. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон нақша дорад, ки дар шаҳри Душанбе Донишгоҳи байналмилалии минтақавии тандурустӣ таъсис диҳад. Дар ин хусус 20 август зимни вохӯрии Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо директори минтақавии Осиёи Марказӣ ва Ғарбии Раёсати рушди захираҳои инсонӣ ва иҷтимоии Бонки Осиёии Рушд София Шакил иттилоъ дода шуд.
Тавре АМИТ «Ховар» бо истинод ба ин вазорат иттилоъ медиҳад, дар вохӯрӣ ҷонибҳо доир ба таъсиси Беморхонаи миллии кӯдакона, таҳияи Шабакаи озмоишгоҳҳои минтақавӣ оид ба муқовимати зиддимикробӣ, сохтмон ва бо дастгоҳу лавозимоти тиббӣ муҷаҳҳаз гардонидани Маркази миллии онкологӣ мубодилаи афкор намуданд.
Намояндагони Бонки Осиёии Рушд барои густариши ҳамкорӣ ва дастгирии иқдому нақшаҳои Вазорати тандурустӣ ва ҳифзи иҷтимоии аҳолии Тоҷикистон изҳори ҳавасмандӣ намуданд.
Ҷамолиддин Абдуллозода иброз намуд, ки Бонки Осиёии Рушд яке аз шарикони аслӣ дар соҳаи тандурустии Ҷумҳурии Тоҷикистон ба ҳисоб меравад. Татбиқи лоиҳаҳои сармоягузорӣ, аз ҷумла амалисозии лоиҳаи «Хизматрасониҳои маҷмуӣ барои модар ва кӯдак» дар боло бурдани раванди хизматрасонии тиббӣ нақши муассир дорад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Экспедитсияи илмии олимону мутахассисони Ҳиндустон дар Тоҷикистон оғоз гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Тоҷикистон 182 деҳаи нав таъсис дода шуд
Дар баъзе ноҳияҳои Тоҷикистон баландшавии ҳолати ифлосшавии ҳаво дар назар аст
ПЕШВОИ САОДАТОФАР ВА МИЛЛАТИ САОДАТМАНД. Мулоҳизаҳо оид ба 35-солагии Истиқлолияти давлатии Тоҷикистон
Дар даврони соҳибистиқлолии Тоҷикистон шумораи нафақагирон 53 фоиз зиёд шудааст
АЗ ИСТИҚЛОЛ ТО РУШДИ УСТУВОР. Андешаҳо дар мавриди 35 соли пурифтихори Истиқлолияти давлатӣ
ҲИЗБЕ, КИ ДАР ДАВРАИ ИСТИҚЛОЛ БАРОИ ЗИНДАГИИ ШОИСТАИ МАРДУМ ТАЛОШ НАМУД. Эҳдо ба 35-солагии Истиқлоли давлатӣ
ИСТИҚЛОЛИ ДАВЛАТӢ: АЗ ИМТИҲОНИ ТАЪРИХ ТО УФУҚҲОИ РУШДИ МИЛЛӢ. Андешаҳои академик Фарҳод Раҳимӣ дар ин маврид
Истиқлолияти давлатӣ дар вилояти Суғд ба рушди куллии соҳаҳои ҳаётан муҳим заминаи устувор гузошт
Аҳолии Тоҷикистон то охири соли 2026 ба 11 миллион нафар мерасад
Кормандони Дастгоҳи иҷроияи Президенти Ҷумҳурии Тоҷикистон ва сохторҳои тобеи он бо мукофотҳои давлатӣ сарфароз гардиданд
35 СОЛИ СОЗАНДАГӢ. Истиқлолияти давлатӣ барои рушди иқтисодию иҷтимоии Вилояти Мухтори Кӯҳистони Бадахшон имконоти нав фароҳам овард
