Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
ДУШАНБЕ, 11.08.2026 /АМИТ «Ховар»/. Дар вилояти Хатлон ҳаҷми истеҳсоли маҳсулоти кишоварзӣ дар шаш моҳи соли 2026 ба 17,1 миллиард сомонӣ расида, рушди он нисбат ба ҳамин давраи соли гузашта 106 фоиз таъмин гардид. Ҳиссаи вилояти Хатлон дар истеҳсоли маҷмуи маҳсулоти кишоварзии мамлакат 59 фоизро ташкил медиҳад. Дар ин хусус зимни нишасти матбуотӣ Раиси вилояти Хатлон Давлаталӣ Саид иттилоъ дод.
Дар шашмоҳаи якуми соли 2026 дар вилоят дар 330 ҳазору 948 гектар зироати кишоварзӣ кишт карда шуд, ки нисбат ба дурнамо 19 ҳазору 204 гектар зиёд мебошад.
Кишти чигит 117 ҳазору 436 гектарро ташкил дод, ки нисбат ба ҳамин давраи соли 2025 9311 гектар афзоиш ёфтааст. Ҳамчунин дар 31 ҳазору 293 гектар кишти такрорӣ гузаронида шудааст.
Инчунин дар ҳама шаклҳои хоҷагидории вилоят 423,4 ҳазор тонна ғалладонагӣ, 176 ҳазор тонна картошка, беш аз 1 миллиону 14,4 ҳазор тонна сабзавот, 544,6 ҳазор тонна полезӣ, 144,3 ҳазор тонна мева, 55,4 ҳазор тонна гӯшт ва 170,5 ҳазор тонна шир истеҳсол карда шудааст.
Ҳамчунин дар ин давра 71,3 миллион дона тухм, 3742 тонна пашм, 191,1 тонна пилла, 315 тонна асал ва 1079 тонна моҳӣ истеҳсол гардидааст.
АКС: Хадамоти матбуоти Раиси вилояти Хатлон
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
