Дар ноҳияи Ашт неругоҳи офтобӣ ба истифода дода мешавад
ДУШАНБЕ, 14.08.2026 /АМИТ «Ховар»/. Дар ноҳияи Ашти вилояти Суғд сохтмони зеристгоҳи барқӣ ва неругоҳи барқии офтобӣ идома дорад.
Тавре ба АМИТ «Ховар» аз хадамоти матбуоти Раиси вилояти Суғд иттилоъ доданд, сохтмони зеристгоҳи барқӣ тибқи нақша идома дошта, татбиқи он ба беҳтар гардидани таъминоти аҳолӣ, корхонаҳои саноатӣ ва иншооти иҷтимоӣ бо неруи барқ мусоидат мекунад.
Неругоҳи барқи офтобӣ дар 750 гектар бунёд гардида, барои таъмини 115 ҳазор хоҷагӣ бо неруи барқ пешбинӣ шудааст. Лоиҳа бо истифода аз манбаи барқароршавандаи энергия амалӣ шуда, дар баробари афзоиши иқтидори истеҳсоли неруи барқ ба коҳиши партовҳои гази карбон ба атмосфера низ мусоидат менамояд.
Бунёди неругоҳҳои офтобӣ яке аз самтҳои муҳими рушди энергетикаи муосир ба ҳисоб рафта, барои истифодаи самараноки захираҳои табиӣ ва тавсеаи манбаъҳои энергияи «сабз» замина фароҳам месозад. Татбиқи чунин лоиҳаҳо дар шароити афзоиши талабот ба неруи барқ аҳамияти иқтисодӣ ва экологӣ дорад.
Таъкид гардид, ки сохтмон бояд бо риояи талаботи техникӣ ва стандартҳои муқарраргардида анҷом дода шуда, ба сифати корҳои иҷрошаванда ва истифодаи босамари имконияти мавҷуда таваҷҷуҳи махсус зоҳир карда шавад.
Татбиқи лоиҳаҳои энергетикӣ дар ноҳияи Ашт ба таҳкими инфрасохтори соҳа, афзоиши иқтидори истеҳсолии неруи барқ ва фароҳам овардани шароити мусоид барои рушди минбаъдаи иқтисодиву иҷтимоӣ мусоидат менамояд.
АКС: Хадамоти матбуоти Раиси вилояти Суғд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
Сарвари давлат Эмомалӣ Раҳмон дар шаҳри Турсунзода якчанд иншооти иҷтимоӣ, истеҳсолӣ ва хизматрасониро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода муассисаи таҳсилоти миёнаи умумии рақами 21-ро ба истифода доданд
Пешвои миллат Эмомалӣ Раҳмон корхонаи «Ноқили Турсунзода»-ро ифтитоҳ намуданд
35-СОЛАГИИ ИСТИҚЛОЛИ ДАВЛАТӢ. Беш аз 700 метр роҳи кӯчаҳои шаҳраки Адрасмони шаҳри Гулистон мумфарш карда шуд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
